بنگەهێ لالش هاریكاریێن دارایی لسەر قوتابیێن ئێزدی ل شێخان و بەردەرەش بەلاڤكرن
تۆرا لالش یا راگەهاندنێ/دهۆك
دوهی رۆژا دووشەمبوویێ 3/12/2018ێ و ب هەلكەفتا هاتنا جەژنا رۆژیێن ئێزی،شاندەكی دەستەیا بلندا بنگەهێ لالش ل دهۆكێ سەرەدانا پەیمانگەها تەكنیكی ل بەردەرەش كر و ژبال دكتۆر “زاهر” هاریكارێ راگرێ پەیمانگەهێ ڤە هاتە پێشوازیكرن، هەردوو لایان رەوشا قوتابیێن ئێزدی و پێشكێشكرنا هاریكاریان بۆ قوتابیان گەنگەشەكرن.
ل پێشیێ بەرێز”خشۆ میرزا”نوونەرێ بەرێز”شێخ شامۆ” سەرۆكێ دەستەیا بلندا بنگەهێ لالش پەیڤا بخێرئانینێ پێشكێشكر و سوپاسیا مامۆستایان ل پەیمانگەها بەردەرەش كر بۆ هەماهەنگیا بەردەوام لگەل بنگەهێ لالش و دووپاتكر:”بنگەهێ لالش دێ هایداری رەوشا قوتابیێن ئێزدی ل هەموو پەیمانگەه و كولیژان بت و ل پێ شیانان دێ پشتەڤانیا قوتابیان كت”.
پاشی شاندی سەرەدانا بنگەهێ لالش تایێ شێخان كر و ژبال بەرپرس و ئەندامێن بنگەهی ڤە هات پێشوازیكرن بۆ هایداربوون لسەر رەوشا قوتابیان ل دەڤەرێ،هەروەسا شاند لگەل ژمارەكا قوتابیێن ئێزدی جڤیا و ژ نێزیك ڤە ئاگەهداری پێتڤی و داخوازیێن وان بوو،پاش هاریكاریێن دارایی ژبال بنگەهێ لالش ڤە لسەر قوتابیان هاتنە بەلاڤكرن.
بۆ زانین دكڤانێ بەرنامەكی سالانە دا هەیڤانە بنگەهێ لالش ب رێیا تایی و نڤیسینگەهان و ب چاڤدێریا بەرێز”شێخ شامۆ” سەرۆكێ دەستەیا بلندا بنگەهێ لالش هاریكاریێن دارایی پێشكێشی قوتابیێن ئێزدی دكت.
دڤێ گەرێ دا و ب هەلكەفتا جەژنا رۆژیێن ئێزی،بنگەهێ لالش 50هەزار دینار بۆ هەر قوتابیەكی لسەر 50قوتابیان ژ هەردوو رەگەزان ل شێخان و بەردەرەش بەلاڤكرن.
تُتاح هذه الصورة أيضا في: کوردی
