نووژه‌نكرنا به‌نداڤا باعه‌درێ مه‌ترسیا لافاوان لسه‌ر وه‌لاتیان كێم دكت
باسنيوز:
ب كۆژمێ 63 ملیۆن دیناران ده‌ست ب نووژه‌نكرنا به‌نداڤا باعه‌درێ دهێته كرن و دێ د ماوێ دوو هه‌یڤان دا ب دووماهى هێت و رێڤه‌به‌رێ ناحیا باعه‌درێ ژى دیار دكه‌ت كو نووژه‌نكرنا وێ دێ به‌نداڤێ ژ مه‌ترسیا رزگاركه‌ت.
شه‌مال ئامێدى، رێڤه‌به‌رێ ناحیا باعه‌درێ، بۆ (باسنیوز) دیار كر، ئه‌ڤه ماوه‌یێ ساله‌كێ بوو زیانێن مه‌زن ب به‌نداڤا باعه‌درێ كه‌فت بوون و مه‌ترسی ل سه‌ر هه‌بوویه، ب تایبه‌ت ل ده‌مێ لافاوان هاوولاتى ژ وێ یه‌كێ دترسیان ئاڤ ب سه‌ر مالێن وان دا بهێته خوار، له‌وما بریار هاته دان ده‌ست ب نووژه‌نكرنا به‌نداڤا باعه‌درێ دهێته كرن و دێ د ماوێ دوو هه‌یڤان دا ب دووماهى هێت و 63 ملیۆن دینار ژى بۆ نووژه‌نكرنا به‌نداڤێ هاتینه ته‌رخانكرن.
ئاشكرا ژى كر كو نووژه‌نكرنا ڤى سكرى دێ مفایه‌كێ مه‌زن ده‌ته كه‌رتێ چاندنێ ژى و دێ مه‌ترسى ب تمامى ل سه‌ر خه‌لكێ ده‌ڤه‌رێ رابیت و ب هزاره‌ها دونه‌مێن ئه‌ردى دێ ل به‌ر ڤێ ئاڤێ هێنه ئاڤدان.
به‌نداڤا باعه‌درێ ل سالا 2011 هاتیه چێكرن و شیانێن هه‌لگرتنا 300 هزار مه‌ترێن ئاڤێ یێن دووجار هه‌نه و هه‌تا نوكه دوو جاران هاتیه نووژه‌نكرن و ئه‌ڤه سێیه‌مین جاره دهێته نووژه‌نكرن.
تُتاح هذه الصورة أيضا في: کوردی
