پتر ژ 200 هه‌زار شنگالێ ژبه‌ر حه‌شدا شه‌عبى وپه‌كه‌كێ نه‌شێن ڤه‌گه‌رنه ده‌ڤه‌رێن خۆ ڤه
باسنيوز:
فه‌رماندێ فه‌رمانده‌یا شنگال یا پێشمه‌رگه‌هێ كوردستانێ دیاركر: “وه‌كو ئه‌ڤرۆ 13/11/ 2015 ب سه‌رپه‌رشتیا سه‌رۆك بارزانى پێشمه‌رگه‌هێ كوردستانێ به‌رى سێ سالان شنگال ژده‌ستێن تیرۆرستێن داعش رزگاركرن، هه‌تا نۆكه ژى برێژا 85% خه‌لكێ شنگال نه‌شیاینه ڤه‌گه‌رن”.
قاسم شه‌شۆ، فه‌رماندێ فه‌رمانده‌یا شنگال یا پێشمه‌رگه‌هێ كوردستانێ بۆ (باسنیوز) دیاركر: “پتر ژ 200 هزار خه‌لكێ شنگال هێشتا دبن خێڤه‌ت وئاڤاهیێن هه‌یكه‌ل دانه ژبه‌ر مه‌ترسیا حه‌شدا شه‌عبى و گرۆپێن چه‌كدار ل قه‌زا شنگال. د رۆژه‌كا وه‌كو ئه‌ڤرۆ دا شنگال ب ته‌مامى ژده‌ستێن هوڤێن تیرۆرستێن داعش هاته رزگاركرن. ئومیده‌كا مه‌زن بۆ شنگالیان دروست كر دا كو ڤه‌گه‌رنه سه‌ر مال و حالێ خوه كو خه‌لكێ شنگال ژبه‌ر هاتنا تیرۆرستێن داعش ره‌ڤین وئاواره‌یى هه‌رێما كوردستانێ بوون. ئه‌ڤه سێ سالن تیرۆرستێن داعش ل شنگال نه‌مان هه‌تا نۆكه ژى خه‌لك شنگال نه‌شێن ڤه‌گه‌رن ژبه‌ر حه‌شدا شه‌عبى وپه‌كه‌ك “.
خویا ژى كر: “پێشمه‌رگه‌هێ كوردستانێ قوربانیه‌كا مه‌زن دان بۆ رزگاركرنا شنگال، ب خوینا چه‌ندین قه‌ره‌مانان هاتنه رزگاركرن. مخابن هه‌تا نۆكه ژى ئارامی ل شنگال نینه، خه‌لك نه‌شێن قه‌ستا مال وحالێ خوه بكه‌ن”.
تُتاح هذه الصورة أيضا في: کوردی
