حکومەتا ھەرێمێ: پترى 60 گۆرێن ب کۆم ل شنگالێ ھاتینە دیتن
WAAR-دهۆك:
وەزارەتا کاروبارێن شەھیدان و ئەنفالکریان راگەھاند؛ تا نھا پتری شێست گۆرێن ب کۆم ل دەردورێن شنگالێ ھاتینە دیتن، ئاماژەکر ژبەر ھەبوونا ژمارەیەکا گرۆپێن چەکدار کارێن وان ب دروستی ناھێت کرن.
بەرەڤان حەمدی بریکارێ وەزارەتا کاروبارێن شەھیدان و ئەنفالکریان بۆ ئاژانسا ئەنادۆل گۆت: ئەو د گەل جڤاتا پارێزگەھا نەینەوایێ دێ لژنەیەکێ پێکئینن بۆ دەستنیشانکرن و ئاشکراکرنا ژمارا دورست یا گۆرێن ب کۆم ل شنگال و دەردورێن وێ، خوەیا کر تا نھا پتری شێست گۆرێن بکۆم ل وێ دەڤەرێ ھاتینە دیتن، کو پێشبینی دھێت کر د ھەر گۆرەکی دا پازدە لاش تێدا ھەبن.
ھەروەسا گۆت: وەزارەتا کاروبارێن شەھیدان و ئەنفالکریان دخوازیت ب زووترین دەم وان گۆرێن ب کۆم ب ھەلکۆلیت و وان بەلگەیان بەرچاڤ بکەت یێن کو داعشێ جینۆساید ل ھەمبەر کوردێن ئێزدی کرین، دوپاتکر ژ بەر ھەبوونا ژمارەیەکا چەکداران و ھێزێن سەربازی، دەڤەرا شنگالێ بوویە جھەکێ سەربازی و وەک پێدڤی کارێ وەزارەتا شەھیدان و ئەنفالکریان ب رێڤە ناچیت.
تُتاح هذه الصورة أيضا في: کوردی
