ئێزدی داخوازا دەرخستنا حەشدا شەعبی ژ شنگال دكن
باسنيوز:
كەساتیێن ئێزدی ئەوێن هەتا نها ل ناڤ شنگال دا ماین، د ناڤ مەزارگەهێ شەرفەدین دا كۆمبوونەكێ ئەنجامددەن و گفتۆگۆیێ ل سەر رەوشا شنگال دكەن و د ئێكەم خال دا رێككەفتنێ ل دۆر ئێكرێزیا ئێزدیان دكەن.
قاسم شەشۆ، فەرماندێ هێزێن پێشمەرگەی ل شنگالێ، بۆ (باسنیۆز) دیاركر، هەموو كەساتیێن ئێزدی ئەوێن هەتا نها ل ناڤ شنگالێ ماین، د مەزارگەها پیرۆزا شەرفەدین دا ل هەڤ جڤیان و د ڤێ جڤینێ دا چەندین بابەتێن گرنگ ل دۆر شنگال و ئێزدیان هاتنە بەحسكرن و گۆت: ئێكەم خالا د كۆمبوونێ دا رێككەفتن ل سەر هاتیە كرن ئێكرێزیا ناڤ مالا ئێزدیان بوو.
شەشۆ زێدەتر گۆت: دووەم خالا گرنگ یا بەحس ل سەر هاتیە كرن، هاتنا حەشدا شەعبی بوویە بۆ شنگالێ و ئەڤ خالە ب شێوەیەكێ بەرفرەه هاتە ل بەرچاڤ وەرگرتن، چونكو هەر ژ هاتنا حەشدا شەعبی و هەتا نوهە چو خزمەت ژ شنگالێ را دابین نەكرینە و ب تنێ ل شنگالێ دا هێزا خوە ب چەسپینن ل دەڤەرێ و مەرەما وان یا سیاسیە نەك ئەو چەندە كو خزمەتا خەلكێ شنگالێ و دەڤەرا شنگال بكەن.
دیسان گۆت: پێدڤیە برێڤەبرنا شنگال ل دەستێن كەسانێن ئێزدی دا بیت، ژ بەركو پتریا خەلكێ وێ ئێزدینە و مافێ وانە و ئەو باشتر دەڤەرێ دنیاسن و پێدڤیە حەشدا شەعبی و هەمی هێزێن دی خۆ ژ دەڤەرێ ڤەكێشن و شنگالێ بۆ ئێزدیان بهێلن.
تُتاح هذه الصورة أيضا في: کوردی
