سه‌ربه‌ست تروانشى دگه‌ل هژماره‌كا كه‌سایه‌تیێن ئێزدییان ل كۆمه‌لگه‌هێن خانكێ وشاریا كۆمبوو
راگه‌هاندنا لقێ:
ئه‌ڤرو رێكه‌فتى (29/8/2017) ل باره‌گایێ لقێ ئێكێ پارتى ژبو پالشتیكرنا ریفراندوما سه‌ربه‌خوییا هه‌رێما كوردستانێ، سه‌ربه‌ست تروانشى به‌رپرسێ لقێ ئێك د گه‌ل هژماره‌كا كه‌سایه‌تیێن ئێزدییان ل كومه‌لگه‌هێن خانكێ و شاریا كومبوو.
د كومبونا خودا دگه‌ل كه‌سایه‌تیێن ئێزدییان ل هه‌ردوو كومه‌لگه‌هێن خانكێ و شاریا،و پشتى راوه‌ستیانا ده‌قیقه‌كا رێزگرتنێ ل سه‌ر گیانێ شه‌هیدان، سه‌ربه‌ست تروانشى ئاماژه دا ئاخفتنا (سه‌روك بارزانى) یا كو ره‌سه‌نه‌تیا كوردێن ئێزدى د سه‌لمینیت و هه‌روه‌سان رولێ ئێزدییان د بزاڤێن رزگاریخوازا ملله‌تێ كورد دا ب روله‌كێ كاریگه‌ر و دیار هژمارت و دیاركر كاره‌سات و ده‌رده‌سه‌ریێن ب سه‌رێ كوردێن ئێزدى هاتین نه‌خاسمه كاره‌ساتا شنگالێ دسه‌لمینن كو ئێزدى كوردێن ره‌سه‌نن.
سه‌باره‌ت پرسا ریفراندومێ به‌رپرسێ لقێ ئێك د كومبونا خودا گوت بتنێ ریفراندوم تاكه رێكه یا كو ملله‌تێ كورد ب هه‌مى پێكهاتێن وێ ڤه د پارێزیت ژ دوژمن و مه‌ترسیێن تیرورستان له‌ومان داكو ئه‌و كاره‌سات و زولما د مێژوویێ دا ل ملله‌تێ مه هاتینه كرن دووباره نه‌بن و وه‌كى هه‌ر وه‌لاته‌كێ سه‌ربه‌خو ب ئارامى بژین دڤێت ئه‌م هه‌مى مللێن خو بدانینه به‌ر ڤى بارى و كار ژبو سه‌ركه‌فتنا وێ بكه‌ین و ب پێنوسێ خو چاره‌نڤیسێ خو دیاربكه‌ین نه‌ك دوژمن و داگیركه‌ر چاره‌نڤیسێ مه دیاربكه‌ن.
هه‌روه‌سان سه‌ربه‌ست تروانشى دیاركر دڤى سه‌رده‌مى دا ده‌م زورێ گونجایه بو راگه‌هاندن و ئاڤاكرنا ده‌وله‌تێ و ئه‌گه‌ر ئه‌م مفاى ژڤێ ده‌لیڤێ نه‌بینین دێ ل هه‌مبه‌ر خوینا شه‌هیدان و خه‌باتا پێشمه‌رگان و لاپه‌رێن مێژوویێ شه‌رمزاربین، هه‌روه‌سان دیاركر پرسا ریفراندومێ پرسه‌كا نشتیمانى یه ونابیت هیچ هێزو لایه‌نه‌ك ڤێ پرسى بكه‌نه پرسه‌كا حزبى ژبه‌ر به‌رژه‌وه‌ندیێن خو یێن تاییبه‌ت.
ژلایێ خوڤه كه‌سایه‌تیێن خانكێ و شاریا دیاركرن كوردێن ئێزدى ل هیڤیا ڤێ روژا مێژوویى نه ژبه‌ركو سه‌ركه‌فتنا ریفراندومێ گره‌نتیه بو پاراستنا ئێزدییان و هه‌مى پێكهاتێن خه‌لكێ كوردستانێ د چارچوڤێ ده‌وله‌ته‌كا سه‌ربه‌خو دا هه‌روه‌سان ئاماده‌ییا خو بو هه‌ر كاره‌كێ پێتڤى ژبو پشته‌ڤانیكرنا سه‌ركه‌فتنا ریفراندومێ دیاركرن.
تُتاح هذه الصورة أيضا في: کوردی
