چاڤدێرەكێ ئێزدی:حەشدا هاتیە باشوورێ شنگالێ دڤێتن ئێزدیان ژ كوردستانێ جودا بكن
تۆرا لالش یا راگەهاندنێ
چاڤدێرەكێ سیاسی یێ كوردێ ئێزدی ئاشكەراكر كو ئەو حەشدا هاتیە باشوورێ شنگالێ هیچ یاسایەكێ رێ پێ نەدایە هەتا كو بێتە دەڤەرێن ئێزدیان،ئەوێن هاتین نەیاسایی نە و ژ رێنمایێن رێككەفتان دەركەفتینە و دەستەكێ دەرەكی ل پشتە دڤێتن ئێزدیان و شنگالێ ژ كوردستانێ جودا بكن.
(داود شنگالی) بۆ رۆژناما دەنگێ لالش دیاركر،جارێ ئەوێن هاتین ب ناڤێ حەشد و شیعەیان ،جارێ شیعەیان چ بۆ ئێزدیان كریە ل كارەساتا شنگالێ دا،ل دەما كارەساتا شنگالێ روودایی ب دینارەكێ ژی نە سووننە و نە شیعە هاریكاریا ئێزدیان نەكریە،ئەڤێن هاتین دەستەكێ دەرەكی ل پشتە دڤێتن ئێزدیان و شنگالێ ژ كوردستانێ جودا بكن،بەلێ دزانن سەر ناگرت،چنكو ئێزدی و شنگال ب هیچ شێوەیەكی ژ كوردستانێ جودا نابن و دزانن كوردستان بەرەف سەربەخۆیێ دچت و كۆسپان دئێخنە بەردەم،بەلێ رێرەویا ریفراندۆمێ ب هیچ شێوەیەكی نا سەكنت.
شنگالی دووپاتكر كو ئێزدی دزانن ئەگەر شیعە بۆ خزمەتا وان بكن ل كارەساتێ دا ئەو دەمێ كو خەلكێ شنگالێ پێتڤی ب هاریكاریا حەموو لایەكی هاریكاریا وان دكرن،بەلێ تەنها بۆ بەرژەوەندی و كارێن دەرەكی كاردكن ل شنگالێ دا،هەروەسا پێشمەرگەی ب سەرپەرشتیا سەرۆك بارزانی شنگال رزگاركر و چەندین جانگۆری داینە،مەعقول نینە ب ئاسانی بۆ هێزەكا میلیشیاتان بهێلن.
تُتاح هذه الصورة أيضا في: کوردی
