سمینارەك ل سەر ئۆلا ئێزدیاتیێ ل كۆمەلگەها شێخكا هاتە گێران
تۆرا لالش یا راگەهاندنێ
دوهی رۆژا دووشەمبوویێ 10نیسانا 2017ێ، سمینارەكا تایبەت ل سەر ئۆلا ئێزدیاتیێ ژلایێ “نەزیر سەرگەلی”بەرپرسێ ناوچا ئەلقوش یا پارتی دیموكراتی كوردستان ل هۆلا لالش ل كۆمەلگەها شێخكا هاتە پێشكێشكرن.
ب ئامادەبوونا ژمارەكا كەسایەتێن ئایینی و پسپۆر وشارەزایێن ئۆلا ئێزدیاتیێ و كەسایەتی و مامۆستا و كادر و ئەندامێن پارتی،دگەل سەرۆكێ ئێكەتیا زانایێن بوسلمان ل شێخان بەرێز “مەلا عبدی” و مەترانێ ئەلقوش وزانایێ ئایینێ ئێزدیا بەرێز”شێخ عەلو” و عامر عەبۆ” رێڤەبەرێ كەمپا شێخان و كادرێن ناوچا مەقلوب مامۆستا” دلشاد” و “جلیل عبدالوهاب” و “مەهدی حەسەن” بەرپرسێ نڤیسینگەها لالش مەهەتێ و “مەروان داود” جێگرێ بەرپرسێ نڤیسینگەها لالش ئەڤ سمینار هاتە گێران.
پشتی بخێر هاتنا مێڤانا،وەك رێزگرتن خۆلەكەكێ سەكنین بۆ گیانێ پاكێ جانگۆریێن كورد و كوردستانێ و سەروەرێ وان بارزانیێ نەمر و كاك ئەدریسێ جوانە مەرگ،ل دووڤ دا سمیناربێژی دەست ب گۆتنا سمینارێ كر و ب درێژاهی بابەت شلۆڤەكر بۆ ماوێ نێزیكی دوو دەمژمێران.
ل داویێ ئەڤ سمینارا دگەمەن بوە جهێ دلخۆشیا هەموو مێڤانا و كارەكێ پیرۆز ل قەلەم دان وچەندین دانوستاندن هاتن كرن.
تُتاح هذه الصورة أيضا في: کوردی
