یاریگەهەكا تەپاپێ ل كەمپا شاریا دئێتە دروستكرن
تۆرا لالش یا راگەهاندنێ/هۆگر نەجیب
یاریگەهەكا تەپاپێ یا بچووككری یا ل كەمپا شاریا هاتیە دروستكرن،دقۆناغا داویێ دایە و ماوێ پێنچ هەیڤایە كار ل سەر دئێتەكرن.
سعود مستو)،رێڤەبەرێ كەمپا شاریا،بۆ (تۆرا لالش یا راگەهاندنێ) گۆت:”پشتی كارگێریا كەمپا شاریا پێشنیارا دروستكرنا یاریگەهەكێ ژ بۆردێ كاروبارێن مرۆڤایەتی كری و كو هەموو كارگێرین كەمپێن دهۆكێ سەر ب وێڤەنە ژلایێ جێگرێ پارێزگارێ دهۆكێ دێتە سەرپەرشتیكرن وان ژی دەزگەهێ (JIZ) كو ب سەر حكوومەتا ئەلمانیا ڤەیە هنارت ژبۆ دروستكرنا یاریگەهێ بتنێ جه مە دەست نیشانكریە”.
مستۆ ئەو ژی دیاركر،دروستكرنا یاریگەهێ دقۆناغا داویێ دایە ،ماوێ پێنچ هەیڤانە كار ل سەر دئێتەكرن،چێكرنا یاریگەهێ ژ پێخەمەت تێركرنا ئارەزۆیێن وەرزشی یێن گەنجێن ئاوارەیە ل كەمپێ دا.
تُتاح هذه الصورة أيضا في: کوردی
