گرژیا دناڤبەرا حزبان دا ل سەر راگەهاندنێ دبتە ئەگەرێ تێكدانا ئاشتیا جڤاكی 
تۆرا لالش یا راگەهاندنێ/كاروان باعەدری
سەرۆكێ بنگەهێ لالش لالش ل باعەدرێ دبێژت،گەلەك جاران گرژی و ئالۆزی ژ حزب و راگەهاندنێن حزبان دئێنە ڤەگۆهاستن بۆ ناڤ خەلك و جڤاكی،ئەڤەژی دبتە ئەگەرێ كارتێكرنەكا هەری خراب و ئاریشە و نەخۆشی ب دووڤدا دئێن.
خەلات باعەدری،بەرپرسێ بنگەهێ لالش یێ رەوشەنبیری و كۆمەلایەتی ل باعەدرێ دیاركر:”نابت حزب و لایەن وان كێشە و نەخۆشیێن خۆ ل سەر راگەهاندنێ بێژن،چنكو گەلەك جاران ئەو نەخۆشی و كێشێن دناڤبەرا وان لایەنان دا دئێنە ڤەگۆهاستن بۆ جادەیێ و جادە تێك دچت و ئەگەرێن مەزن یێن هەین ببتە شەرەكێ دژوار دجادێ دا”.
باعەدری گۆتژی نهۆ ل گەلەك راگەهاندنا بوویە شەرێ دناڤبەرا لایەنان دا ، ئەو شەرە هاتیە دناڤ جڤاكی دا ، بوویە ئەگەرێ تێكدانا ئاشتیا جڤاكی و پەیوەندیێن تۆرین كۆمەلایەتی ژی تێكچۆینە بەرەف شەر و نەخۆشیا چێبووینە و كەتوار بەلگەیە وەك چاو نهۆ ل تۆرێن كۆمەلایەتی رۆژانە ب سەدان شەر دناڤبەرا ئالیگرێن پارتێن سیاسی رووددەن ئەڤەژی پشكەكن ژ وی جڤاكی.
سەبارت چارەسەكرنا ڤێ كێشەیێ ناڤبری گۆت:”پێتڤیە هەموو لایەن و كەسایەتی ب رێكێن دیالۆك و هەر رێیەك هەبت ئاریشەیێن خۆ چارەبكن و بەری بێنە ڤەگۆهاستن بۆ جادەیێ،چنكو ئەگەر ئاشتیا جڤاكی تێك بچت چارەبوون دێ گەلەك یا ب زەحمەت بت ،هەروەسان پێتڤیە یاسایەك هەبت بۆ راگاهاندنان،چنكو هندەك راگەهاندن دبنە ئەگەرێ سەرهلدانا ڤێ كێشەیێ،چنكو د هەر وەلاتەكی دا هەر كەس و لایەن و راگەهاندنەك ببتە ئەگەر بۆ تێكدانا جڤاكی ب گرانترین سزا دئێتە سزا دان و هندەك جاران دئێنە راگرتن ژی”.
ناڤبری زێدەتر گۆت:”پێتڤیە دەزگەهەك چاڤدێریێ ل ڤان لایەن و راگەهاندنان بكت ،دا كو ئەڤ دیاردە تەشەنە نەكن و نەبنە ئەگەرێ تێكدان و ئالۆزیێ دناڤبەرا تەخ و چینێن جڤاكی دا،چنكو جڤاك یێ هەستیارە بۆ ئاریشێن ب ڤی رەنگی”.
تُتاح هذه الصورة أيضا في: کوردی
