ب بهلگه: داعش ژ ئێك خێزانا ئێزدى 62 كهس گرتينه
باسنيوز:
كهسهكێ ئێزدى ل كهمپا شاریا ناڤیێن 62 ئهندامێن مالباتا خوه یێن ژلایێ تیرۆرستێن داعش ڤه هاتینه رهڤاندن ل سهر پارچهكا وهرقهى نڤیسینه و بهردهوام پرسیارا چارهنڤیسى وان دكهت.
درویش قاسم شهمۆ بۆ(باسنیوز) دیار كر “ل كارهساتا شنگال تهباخا 2014ێ ل دهڤهرا سولاخى 62 ئهندامێن مالباتا مه كهڤتنه دهستێن تیرۆرستێن داعشێدا ههتا ئهڤرۆ 19/1/2018 بتنى ههشت ژوان یێن هاتینه رزگاركرن و چارهنڤیسى 54 كهسان دیار نینه ههتا ژ رۆژا هاتینه گرتن ورهڤاندن ههتا ئهڤرۆ ئهم پرسیارا چارهنڤیسى وان دكهین مخابن هیشتا چوو تشتهك ل سهر چارهنڤیسى وان دهست مه نهكهڤتیه ئهم هیڤیى بووین ل مووسل بهێنه دیتن لێ مووسل ژى هاته رزگاركرن وكهس وكارێن مه نههاتنه دیتن”.
خۆیا ژى كر “داخازى ژ حكومهتا عێراقى دكهین ههڤكاریا ههرێما كوردستانێ بكهت بۆ لیگهریانا رهڤاندیێن ئێزدى ل مووسل و تهلهعفهر چونكو ههتا ئهڤرۆ كچ وژن وزارۆكێن ئێزدى دناڤ مالێن وان ههنه و رزگار ناكهن”.
تُتاح هذه الصورة أيضا في: کوردی