بنگەهێ لالش ل ئەلمانیا چالاكیێن رەوشەنبیری و هۆنەری دڤیستەڤالا گەلان دە پێشكێش دكت
تۆرا لالش یا راگەهاندنێ
بنگەهێ لالش یێ رەوشەنبیری و كۆمەلایەتی ل ئەلمانیا پشكداری ل ڤیستەڤالا رەوشەنبیران و گەلان یا جیهانی ل باژێرێ بیلیفیلد دا كر،ب كۆمەكا چالاكیێن هۆنەری و رەوشەنبیری یێن جودا جودا ژ رەوشەنبیری وداب و نەریتان و ژیانا رۆژانە یا ئێزدیان ل هەر چار پارچەیێن كوردستانێ.
ڤیستەڤال ل رۆژانێن(9_10_11/9/2016)ێ بوو كو چەندین رەڤەندێن جودا ژ باژێرێ بیلیفیلد تێدا دپشكداربوون.
بنگەهێ لالش ل ئەلمانیا ئەڤ چالاكی دڤیستەڤالێ دە ئەنجامدان:
_پەیڤابنگەهێ لالش ژبال ئەندازیار”دلشاد سمو”بەرپرسێ لژنا رەوشەنبیرییا بنگەهی.
-پێشانگەهەكا پەرتۆكان ب زمانێن جودا یێن(ئنگلیزی،ئەلمانی،كوردی،ئەرەبی).
– پێشانگەهەكا جلكێن فلكلۆری و كارێن دەستی ژبال”لەیلا قاسم”ژئێزدیێن رۆژئاڤایێ كوردستانێ_سووریا.
-موزیك و سترانێن كوردی ژبال هۆنەرمەند”سلێمان هفوك”و سەمایا گەلی.
_ئاینێ ئێزدییان چیە.
-دانەنیاسینا بنگەهێ لالش و ئارمانجێن وی.
-پێشكێشكرنا هندەك خوارنان
چالاكیێن هۆنەری ل سەر دەپێ شانۆیێ بۆ پتر ژ دوو دەمژمێران دبەردەوام بوون ل جهێ تایبەت یێ بنگەهێ لالش ژ دانێ سبێ هەتا هێڤاری،دڤان دەمان دە دیرۆك و فلكلۆرێ شارستانی یێ ئێزدیان ل وەلاتێ وان كوردستانێ بۆ رەڤەندێن پشكدار هاتنە پیشاندان.
تُتاح هذه الصورة أيضا في: کوردی