تشرینی یه‌كه‌م 19, 2021

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆكێ حكومه‌تێ زه‌نگا سالا نوى يا خواندنێ لێدا

سه‌رۆكێ حكومه‌تێ زه‌نگا سالا نوى يا خواندنێ لێدا

گاڤ نيوز

سه‌رۆكێ حكومه‌تا هه‌رێما كوردستانێ راگه‌هاند، ژبه‌ر كۆرۆنايێ پرۆسه‌يا خواندنێ وه‌ك پێدڤى و ب شێوه‌يه‌كێ ئاسايى به‌ردەوام نه‌بوو، لێ ئه‌و ره‌وشا سه‌خت ده‌رباز بوو، ئاشكراكر، وێ ره‌وشێ گه‌له‌ك كێشه‌ په‌يداكرن لێ ب خۆشحالى ڤه‌ دوباره‌ ده‌رگه‌هێن قوتابخانه‌يان هاتنه‌ ڤه‌كرن.

ئه‌ڤرۆ سالا نووى يا خواندنێ 2021 – 2022 ل سه‌رانسه‌رى هه‌رێما كوردستانێ ده‌ستپێكر و مليۆنه‌ك و 800 هزار قوتابى دێ ل قوتابخانه‌يێن هه‌رێما كوردستانێ خوينن.

مه‌سروور بارزانى، سه‌رۆكێ حكومه‌تا هه‌ڕێما كوردستانێ ئه‌ڤرۆ زه‌نگا خواندنێ ل هه‌رێما كوردستانێ لێدا و ل ئێك ژ قوتابخانه‌يێن شه‌قلاوه‌ سوپاسيا مامۆستايان كر سه‌ره‌رايى ره‌وشا خرابا ساخله‌مى و ئابۆرى لێ هه‌مى بزاڤه‌ك بۆ به‌رده‌واميا پرۆسه‌يا خواندنێ هاتنه‌ كرن.

هه‌روه‌سا گۆتژى: بزاڤه‌كا مه‌زن هاته‌ كرن بۆ وێ يه‌كێ گرنگى ب كه‌رتێ په‌روه‌ردێ بهێته‌ دان، لێ وه‌ك پێدڤى نه‌شياين بجهـ بينين، زێده‌بارى وێ يه‌كێ کێمتەرخەمی نه‌هاتيه‌ كرن بۆ ته‌رخانكرنا پاره‌يێ پێدڤى بۆ نووژه‌نكرنا قوتابخانه‌يان و ل گه‌ل وه‌زاره‌تا په‌روه‌ردێ به‌رده‌وام ل سه‌ر خه‌ت بووين، هه‌روه‌سا ئاشكراكر، كو وان شياينه‌ 13 هزار قوتابيان بۆ قوتابخانێ ڤه‌گه‌ڕينن كو به‌رى نوكه‌ دابڕى بوون ژ خواندنێ.

هه‌روه‌سا داخواز ژى ژ جڤاتا نوينه‌رێن ئيراقێ كر به‌ره‌ڤانيێ ژ داخوازى وان تشتان بكه‌ن يێن كوردستانێ پێدڤى پێ هه‌يى و د ڤێت مافێن گه‌لێ كوردستانێ د پاراستى بن و گرنگى ب كه‌رتێ په‌روه‌ردێ بهێته‌ دان بۆ وێ يه‌كێ پشته‌ڤانى و هاريكاريا حكومه‌تا فيدرال ژى دابين بكه‌ن.

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi