چاكسازیێن عەبادی دناڤبەرا گۆمان و راستیێ دا
كاروان حەجی باعەدری
ئەڤە چەندە سەرۆك وەزیرێن عێراقێ پشتی خۆپیشاندانێن پارێزگەهێن عێراقێ ڤەگرتین،داخوازا چاكسازییا ددەن سەرۆك وەزیرێ عێراقێ حەیدەر عەبادی ب زووترین وەخت هاتە سەر هێلێ و بەرسڤا وان دا،رابوو ب پاكیجا خزمەتگۆزاریا ب لادانا چەندین پۆستێن گرنگێن عێراقێ مینا جێگر و شیوەرمەندا،لێ هندەك كەس هێشتا یێ ل سەر وان پۆستا دگۆمانەكا هەری مەزن دانە،ژبۆ ئەڤێ كارڤەدانا سیاسیا نافخۆیی ل پەلی خۆ هشت.
پشتی ئەنجوومەنێ نوونەرێن عێراقێ ژی ئەڤ پرۆژێ چاكسازییان پەسەندكری هندەك كەس ئەڤێ قۆناغێ ب قۆناغەك دیرۆكی وەسف دكن و ب بۆچونا وان ژی ئەوە ئێكەمین سەرۆك دمێژوویا عێراقێ دایە بەرسڤا خۆنیشاندەرا ددەت،لێ هندەك كەس ژی دبێژن پێتڤی بوو هێشتا دەمە عەبادی ئەڤ پۆستە وەرگرتی ئەڤ كارە كربا و هندەك چاڤدێرێن سیاسی دبینن ئەڤا عەبادی دكت ئەوێ چەندێ ناگەهینت كو دێ سەرۆك وەزیر چاكسازییا بڤان كاران كت،ژبەركو لادانا پۆستا ب هەماهەنگیا لایەنێن عێراقی هاتنە دانان ئەڤەژی دێ هندەك كارڤەدانێن خراب ل پشت خۆ هێلت و ل گۆر هندەك لایەنان ئەڤە كریارێن دكتاتۆریەتێ ل قەلەم ددەن،ب بۆچۆنا من چی ئەوە ببتنێ رازیكرنا خەلكێ عێراقێ یە ئەگەر هندەك چاكسازی بێنە كرن ژی بتنێ ل وان ناوچان بت ئەوێن سەنگا وی ل وی جهیە یە بهێز،داكو سەنگا سیاسیا حزبا دەعوە نەئێتە كێمكرن.
هەروەسا وێ پێنگاڤێ باش دبینم یا كێمكرنا پاسەوان و جێگرێن هەر سەرۆكاتیا..هتد ،لێ‌َ ئەگەر دڤێت چاكسازییا بكت عێراقێ ئەو دارییا بهێز یاهەی كو ل هەموو ناوچا بكت،تشتێ گرنگ ئەوە ئەڤ پرۆژێ چاكسازیییا بكەفتە دبوارێ جێبەجێكرنێ دا و یا پێتڤی بوو هەرسێ سەرۆكاتیێن هەرێمێ ژی هەلویستێ خۆ یێ رۆن دیاركربا،چنكو هندەك پەرلەمانتار دبێژن كوردان چو كێشە ل گەل پرۆژێ عبادی نینن،لێ پێتڤی بوو هندەك خال ئێخستبانا ل سەر پرۆژەیێ وی بەری بچتە دبوارێ جێبەجێكرنێ دا ،ژبەركو هەرێما كوردستانێ ل لگەل حكوومەتا ناڤەند دكۆمەكا قەیرانێن مەزن دانە.
تُتاح هذه الصورة أيضا في: کوردی
