شنگال
شەمال خدر
پشتی كونترۆلكرنا پارێزگەها موسلێ ژلایێ رێكخراوا تیرۆرستیا داعش ل 9/6/2014 ,كو سوپایێ مالكی هیچ بەرگرییەك ژ باژارێ ناڤبری نەكر وئەو تەقەمەنی وچەكێن گران كەتنە ددەستێ ڤێ رێكخراوا تیرۆریا بناڤێ(داعش) هەروەسا پتریا خەلكێ دەڤەرا موسل ب گول وچەپلە لێدان پێشوازی ل هاتنا ڤێ رێكخراوا تیرۆرستی كرن ب تایبەتی ئەرەبێن سوننە مەزهەب،كو هەست ب سەركەفتنەكا مەزن كرن ب هاتنا داعشێ وب پشتەڤانێن خۆیێن رەوا ل قەلەم دان ب تایبەتی ب سەدەما رەفتار و وێ زولم وتەعدایا مالكی ل وان دكر ب بەهانەیا تیرۆرێ، ب راستی ئەڤ چەندە هەتا رادەیەكی راست بوو ودجهێ خوەدا بوو.
ئەرەبێن سوننە هەر ژدەمی كەفتن وژناڤچوونا رژێما دكتاتۆریا بەعس وهەتا بەری هاتنا داعش بەردەوام هاریكار وپشتەڤان وجهێ ڤەحواندنا گرۆپێن توندرەو وتیرۆرستی بوون،لەوما هەردەم حكوومەتا مالكی ئەو رەفتار دگەل وان دا دكرن ,سەرەرای جیاوازیا مەزهەبی وتایفەگەریێن كوور ودرێژ وكەڤن دناڤبەرا شیعەو سوننەیان دا،جهێ داخێ یە كو ئەو كەرب وكینا ئەرەبێن سووننە ل ڤی ئاستی نەسەكنی و بەردەوامی دانە پیلان و خەونێن خوە یێن پیس وقرێژی و بوونە پالدەرێ سەرەكییێ هێرشا هۆڤانە ل سەر دەڤەرا شنگالێ ل رۆژا 3/8/2014 وتیرۆرستێن داعش ئەو كارەسات وجینۆسایدا مەزن ل سەر ئێزدیان ئەنجام دان،كو ب هەزاران خەلكێ سڤیل كوشتن،هەروەسا ب هەزاران كەچ و ژن و زارۆك وزەلام گرتن وبرن و ب سەدێن هەزاران خەلكێ شنگالێ هاتنە ئاوارەكرن وژبلی ڤێ چەندێ هەموویێ كەچێن ئێزدیان ل بازارێ رەقەو موسلێ هاتنە فرۆتن ,ئەڤ چەندا هەنێ هەموو ب دەست كیسی وهاریكاریا وان هۆزێن ئەرەبان بوو ئەوێن ل دەردۆرێن شنگالێ ئەڤە سەدێن سالابوون ل ناڤ ئیزدیان دئاكنجی بوون وهەموو ژی ئەو بوون یێن پەیوەندیێن دوستایەتی و كریڤاتی دناڤبەرا واندا هاتبوونە گرێدان وخیانەتەكا مەزن ل شنگالێ كرن.
هەژییە بێژین هەر ژ دەستپێكا پەیدابوونا ئێزدیاتیێ وهەتا رۆژا ئیرۆ مە نەبینایە ونەبهیستییە،كو هیج جارەكێ كەسەكی ئێزدی مینا سەرێ دەرزیێ زەرو زیان گەهاندبە كەسێ بەرامبەری خۆ وهەردەم هەولدایە دەستێ هاریكاریێ ودۆستایەتیێ و برایەتیێ درێژی لایەنێ بەرامبەر بكت،هەروەسا بەردەوام كاری دكت ژبۆ خورتكرنا گیانێ پێكڤەژیانێ وبلندكرنا تێگەهێ هەڤ قەبوولكرن و لێبۆرینێ بەرامبەر هەر نەتەوە وئاینێن دیتر،ئەڤ چەندە ژی نە ژ لاوازیا كەسایەتیا مرۆڤێ ئێزدییە،بەلكو ژ هێزوسەنگا مرۆڤێ ئێزدییە كو گرێدایی بیروباوەر وبنەمایێن خۆ یێن ئاینی ونەژادییە ,لگۆر بنەمایێن مرۆڤایتیێ یێن راست و دروست ئەو كەسێ خیانەتێ وتەعدایێ ل یێ بەرامبەری خوە دكت ئەو مرۆڤەكی دەروون لاوازو شووشتییە ژ بنەمایێن مرۆڤایتیێ ,ئەڤجا بلا ئەرەب باش بزانن ئێزدی ب كوشتن و تالانكرن و ئاوارەبوونێ و خیانەتا وان یا چەپەل نائێنە هونداكرن و ژناڤبرن.
تُتاح هذه الصورة أيضا في: کوردی
