تۆرا لالش
ڕۆژا شەمبوویێ رێکەفتی (1 / 11 / 2025) یاریا دوماهیێ ژ قارەمانییا کادر و وەرزشڤانێ دێرین خودێ ژێ ڕازی (کاوە میرزا بەگ) ل یاریگەها فریزی ل ناحیا باعەدرێ وەک پشتەڤانی بۆ لیستا 275 یا پارتی دیموکراتی کوردستان دناڤبەرا هەردوو تیمێن (ساخلەمی) و (کۆمپانیا نەفتێ) هاتە ئەنجامدان.
ڕێ و رەسمێن یاریێ ب رێڤەچوون ب ئامادەبوونا بەڕێزان بەرپرسێ لیژنا ناوچا باعەدرێ یا PDKێ (نجیم الیاس) و هەیئەتا لیژنێ و سەرۆکێ دەستەیا بلندا بنگەهێ لالش (سعيد جردو) و (هرمان ميرزا بەگ) ژ بنەمالا خودێ ژێ ڕازی و(خلات باعەدری) بەرپرسێ بنگەهێ لالش باعەدرێ و شاندێ دگەل و (فرست اسماعيل) بەرپرسێ ئێکەتییا قوتابیان و لاوێن شێخان و شاندێ دگەل دا.
پشتی کو یاریەکا بهێز و هەڤرک دەربازبووی دناڤبەرا هەردوو تیمان دا، دئەنجامدا تیما (کۆمپانیا نەفتێ) شیا سەرکەفتنێ ل سەر تیما (ساخلەمی) بدەستخۆڤەبینت ب ئەنجامێ (7:5).
د پەراوێزا ڕێ و رەسمێن یاریێ دا، بەرپرسێ لیژنێ و سەرۆکێ دەستەیا بلندا بنگەهێ لالش و بەڕێزێن ئامادەبوویی د پەیڤێن خۆ دا بۆ ئامادەبوویان، پیرۆزباهی ل هەردوو تیما کرن و چەند گۆتنێن هەژی و دەست خۆشی ئاراستەی یاریزان و ڕێککخەرێن قارەمانییێ کرن.
ل داویێ هەردوو تیم و دده‌ل باشترین یاریزان و گۆڵپارێز و خودانێ پترین گۆل ل قارەمانییێ دگەل دادڤانان ب دیاریێن بنگەهێ لالش تایێ باعەدرێ ڤە هاتنە خەلاتکرن و ژلایێ بەرێزێن ئامادەبووی ڤە هاتنە پارڤەکرن.
تُتاح هذه الصورة أيضا في: کوردی
