تۆرا لالش
پیردەیان جەعفەر، رێڤه‌به‌رێ كۆچ و كۆچبه‌ران و به‌رسڤدانا قه‌یرانان ل دهۆكێ راگه‌هاند: نه‌بوونا خزمه‌تگوزاریێن پێتڤی و كێمته‌رخه‌میا حكومه‌تا عیراقێ به‌رامبه‌ر پرسا شنگالێ یا وه‌كری ئاواره ڤه‌نه‌گه‌رنه جهـ و وارێن خۆ.
گۆتژی: رۆژه بۆ رۆژێ ره‌وشا كه‌مپان خرابتر دبت و ژمارا ئاواران زێده‌تر دبت، د به‌رامبه‌ر دا مه‌زاختی و هاریكاری كێمتر دبن.
پیردەیانـی ئاشكه‌راكر: 15 كه‌مپ ل سنوورێ پارێزگه‌ها دهۆكێ و ئیدارا سه‌ربه‌خۆ یا زاخۆ هه‌ینه، نێزیكی 20 هەزار و 830 هەزار خێزانان دناڤ کەمپان دژین و زێده‌تر ژ 35 هەزار خێزانێن ئێزدی ژ ده‌رڤه‌ی كه‌مپان دژین، ب ڤێ چه‌ندێ نێزیكی 280 هەزار ئاوارێن شنگالێ هه‌ینه، و د ماوێ دوو سالێن بۆری دا 800 خێزان پشتی ڤه‌گه‌ریاینه شنگالێ دووباره ئاواره‌ی هه‌رێمێ بوونه‌ڤه.
گۆتژی: ئه‌گه‌رێن ڤه‌گه‌ریانێ ژی نه‌بوونا كه‌هره‌ب و خوارن و ڤه‌خوارنێ و نه‌بوونا ئه‌من و ئاسایشێ و مه‌ترسیا ل سه‌ر ده‌ڤه‌رێن وانه، له‌وران دووباره ڤه‌دگه‌رنه ناڤ كه‌مپان دا، ب مخابنی ڤه هه‌تا نهۆ نه‌حكومه‌تا عیراقێ و نه رێكخراوێن نیڤده‌وله‌تی ب ئه‌ركێ خۆ رانه‌بووینه و قه‌ره‌بوویا خه‌لكێ شنگالێ وه‌كو پێتڤی نه‌كرینه، به‌ری نهۆ ئه‌گه‌ر حكومه‌تا عیراقێ خوارن و پێتڤی دابین دكرن لێ نهۆ گه‌له‌ك كێم بووینه ب راده‌یه‌كی د دووازده هه‌یڤێن سالا بۆری دا بتنێ هه‌فت جاران خوارن و پێتڤیاتی یێن دابه‌ش كرین.
پیردەیان جەعفەر، رێڤه‌به‌رێ كۆچ و گۆچبه‌ران و به‌رسڤدانا قه‌یرانان ل دهۆكێ راگه‌هاند: هه‌روه‌سان 80% هاریكاریێن رێكخراوان بۆ ئاواران یێن كێم بووین.
تُتاح هذه الصورة أيضا في: کوردی
