بنگه‌هێ لالش پیرۆزباهیێ ل بابه شێخێ نوو یێ ئێزدیان دكت:وه‌رچه‌رخانه‌كا گرنگه د دیرۆكا نوو یا ئێزدیان دا
ب هه‌لكه‌فتا دانانا شێخ عه‌لی شێخ ئلیاس،وه‌ك بابه شێخێ ته‌ڤایا ئێزدیان درێوره‌سمه‌كێ ئایینی یێ فه‌رمی دا،ده‌سته‌یا بلندا بنگه‌هێ لالش یێ ره‌وشه‌نبیری و جڤاكی جوانترین پیرۆزباهیا پێشكێشی بابه شێخێ نوو دكت،ئه‌م داخوازا سه‌ركه‌فتنێ بۆ دكه‌ین ژبۆ وێ په‌یاما پێ هاتی سپاردن،و به‌رده‌وامیدان ب وی گیانێ ره‌وشه‌نبیریا پێكڤه‌ژیانێ و لێبۆرینێ و هه‌ڤدووقه‌بوولكرنێ یا كو ده‌ووروو‌به‌رێ ئێزدیا یێ نێزك و دوور پێ داخباربووی، و بۆ وان هاته دووپاتكرن كو مرۆڤێ ئێزدی حه‌ز ژ ئاشتی و خێرخوازی و گه‌شه‌كرنێ و ئارامیێ بۆ هه‌موو مرۆڤایه‌‌تیێ دخوازت بێی فه‌رق و جوداهیا ئایینی و نه‌ژادی و تایفه‌گه‌ری.
ئه‌م ل ده‌سته‌یا بلندا بنگه‌هێ لالش دا دووپات دكه‌ین كو رێوره‌سمێن دانانا بابه شێخێ نوو یێ ته‌ڤاهیا ئێزیان ئه‌و بخۆ خۆ وه‌رچه‌رخانه‌كا گرنگه ل دیرۆكا هه‌ڤچه‌رخا كوردێن ئێزدی دا،و ئه‌م دووپاتیێ ل ئێكگرتنا ئێزدیان دكه‌ین كو نۆكه یه پێویسته ژهه‌ر وه‌خته‌كی به‌ری نۆكه ل چارچۆڤێ هه‌ڤركیێن نۆكه و پاشه‌رۆژێ دا یێن كو ل پێشیا ئێزدیا ب تایبه‌تی و كوردستانا وه‌لاتێ مه یێ دایك ب شێوه‌كی گشتی،زێده‌باری رووبرووبوونا وان كارتێكرنێن نه‌خۆش یێن هاتینه سه‌ر ئێزدیان بێ فه‌رق و جوداهی ژ ئه‌گه‌رێ وێ هێرشا هاتی سه‌ر شنگالا خۆشتڤی.
هه‌زار جاری پیرۆز بت بۆ سه‌ما‌حه‌تا شێخ عه‌لی شێخ ئلیاس بابه شێخێ ته‌ڤاهیا ئێزدیان،هه‌ر كه‌سه‌كی خزمه‌تا خه‌لك و وه‌لاتێ خۆ بكت خودێ هاریكارێ وی بت.
ده‌سته‌یا بلندا بنگه‌هێ لالش یێ ره‌وشه‌نبیری و جڤاكی/دهۆك
18ی چریا دووێ 2020
تُتاح هذه الصورة أيضا في: کوردی
