چل رۆژیا وەغەركرنا “سێڤا بابا شێخ”ل بنگەهێ لالش هاتە ساخكرن
تۆرا لالش یا راگەهاندنێ/دهۆك
چل رۆژیا وەغەركرنا دای”سێڤا بابا شێخ”ئەنداما جڤاتا پارێزگەها مووسل و ئەنداما دەستەیا بلندا بنگەهێ لالش یا بەرێ،ب هێڤاریەكا ماتەمینی ل بنگەهێ لالش ل دهۆكێ هاتە ساخكرن.
ئیرۆ رۆژا شەمبوویێ 4/1/2020ێ ب ئامادەبوونا ژمارەكا كەسایەتی و مالباتا خودێ ژێ رازی، بنگەهێ لالش چل رۆژیا وەغەركرنا دای”سێڤا بابا شێخ”ئەنداما جڤاتا پارێزگەها مووسل و ئەنداما دەستەیا بلندا بنگەهێ لالش یا بەرێ ب هێڤاریەكا ماتەمینی ساخكر.
ل پێشیێ ئامادەبوویێن چلەیا ماتەمینی خۆلەكەكێ راوەستیان وەك رێزگرتن بۆ گیانێ خودێ ژێ رازیێ و هەمووجانگۆریان،پاشی شەمالك هاتنە هەلكرن و تاجە گولین هاتنە دانان و دگەل گۆتنا چەند سەبەقێن تێكستێن پیرۆزێن ئێزدیان ژلایێ قەولبێژ خەواجە خەتاری ڤە.
دپەنەلەكێ دی دا كورتە ڤیدیۆیەك لسەر ژیانا خودێ ژێ رازی سێڤا بابا شێخ هاتە نیشاندان لسەر كەد و خزمەتا پێشكێشی جڤاكێ ب گشتی كری.
لدوڤ دا بەرێز”شەمۆ قاسم”ئەندامێ دەستەیا بلندا بنگەهێ لالش پەیڤەك پێشكێشكر و تێدا بەحس ل كەد و خەباتا دای سێڤی كر و دیاركر خودێ ژێ رازی ئەنداما دوو خۆلێن بەری یێن بنگەهێ لالش بوویە و رۆلەكێ كارا هەبوویە بۆ خزمەتكرنا جڤاكی ب گشتی و دوارێ ئافرەتان دا رۆلەكێ بەرچاڤ هەبوو.
پاشی پەیڤەك ژلایێ بنەمالا خودێ ژێ رازیێ ڤە هاتە پێشكێشكرن و تێدا سوپاسیا بنگەهێ لالش و هەموو دام و دەزگەهێن حزبی و كەسایەتیێن ئامادەبوویی و خەلكێ كر،بۆ رێزگرتنا ل دای سێڤێ هاتی گرتن.
تُتاح هذه الصورة أيضا في: کوردی
