3 هەزار خیڤەتێن ئاواران ل كەمپا ئێسیا دئێنە گهۆرین
تۆرا لالش یا راگەهاندنێ
لدوڤ پلانا بۆردێ كاروبارێن مرۆڤایەتی ل پارێزگەها دهۆكێ ب هەماهەنگی دگەل رێڤەبەریا كۆچ وكۆچبەران تایێ دهۆكێ،دەست ب گهۆرینا سێ هەزار خیڤەتێن ئاواران ل كەمپا ئێسیا هاتە كرن.
رێڤەبەرێ كەمپا ئێسیا(دیار بیبۆ)بۆ رۆژناما دەنگێ لالش دیاركر،ل رێككەفتی(5/11/2019)ێ لدوڤ پلانا بۆردێ كاروبارێن مرۆڤایەتی ل پارێزگەها دهۆكێ ب هەماهەنگی دگەل رێڤەبەریا كۆچ وكۆچبەران تایێ دهۆكێ دەست ب گهۆرینا سێ هەزار خیڤەتێن ئاواران ل كەمپێ هاتە كرن و ئەڤە پرۆسە بۆ ماوێ بتری ژ هەیڤەكێ دێ بەردەوام بت،خیڤەتێن كەڤن دێ ژ ئاواران ئێنە وەرگرتن ژبەر ئەگەرێن ساخلەمیێ،هەروەسا ب هەماهەنگی دناڤبەرا كارگێریا كەمپێ و رێكخراوا(Giz)دۆرێن(40) كرێكاران ژ خەلكێ كەمپێ بۆ گهۆرینا خیڤەتان داینە كاری.
هەر لدۆر گهۆرینا خیڤەتێن ئاواران(شاكر حسێن) ئاوارەكی كەمپا ئێسیایە بۆ دەنگێ لالش گۆت:سال بۆ سالێ دگەل هاتنا وەرزێ زڤستانێ رەوش ئاواران پەریشان و ب زەحمەت دكەڤت و ئێش وئازارێن وان زێدە دبن،لەورا گهۆرینا خیڤەتان گەلك یا گرنگ بوو ب تایبەت بۆ خۆپاراستنێ ژ سەرمایا زڤستانێ.
تُتاح هذه الصورة أيضا في: کوردی
