قایممقامێ شنگال داخوازا چارەسەریەكا بلەز بۆ رەوشا شنگال دكت
باسنيوز:
قایمقامێ قەزا شنگال دیاركركو پێدڤیە چارەسەریەكا بلەز بۆ رەوشا شنگال بهێتە دیتن نها شنگال د نەئارامیی و د رەوشەكا خرابدایە چوو بۆ ئایندیی شنگال دیار نینە.
مەحما خەلیل، قایمقامێ شەرعیی یێ شنگال بۆ (باسنیوز) دیار كر كو: “شنگال د نە ئارامیی و بەرەڤ رەوشەكا خراب دایە چوو ئایندی وپاشەرۆژا شنگال دیارنینە حكومەتا عێراقی رژد نینە بۆ چارەسەركرنا كێشەیێن شنگال نها شنگال راستە دناڤ عێراقی دایە لێ نە دناڤ عێراقی دا دهێتە رێڤەبرن و ژدەرڤەی قانوون ویاسایێن عێراقی شنگال یا دهێتە رێڤەبرن راستی ژی ئەڤە كارەساتەكا ل شنگال دهێتە كرن هەموو هێزین نە شەرعیی یێن سوریا و قەندیل هاتینەدناڤ شنگالێ دا وحەشدا شەعبی ل شنگال هەیە و چەندین گرۆپێن چەكدار دەڤەری هەنە هەر ئێك ژی ل گۆری خوە كاردكەت ژبەر ڤی چەندێ خەلكەكێ مەترسیەك هەیە”.
خۆیا ژی كر: “د بەرژوەندیا عێراقی و هەرێما كوردستانێ و بەرژوەندیا خەلكێ شنگال دایە چارەسەریەك زوو و بلەز بۆ رەوشا شنگال بهێتە دیتن، هەتا نوكە چوو پرۆژەیێن روهن و زەلال و بەرنامە بۆ چارەسەریا شنگال نینن و رۆژ دووڤ رۆژی رەوشا شنگال خراپتر بیت هەكە ئەڤ رەوشا خراب شنگال زوو نەهێتە چارەسەركرن دێ ئالوزیێن مەزن ل دەڤەرا شنگال روو دەن”.
تُتاح هذه الصورة أيضا في: کوردی
