نڤیسینگەها رزگاركرنا گرتيێن ئێزدى دێ خەلاتێ دایكا تیرێزا وەرگرت
باسنيوز:
بەرپرسی نڤیسینگەها رزگاركرنا رەڤاندیێن ئێزدی دیار كر كو ئەڤرۆ 3/11/2019 ل باژێرێ مۆمبای ل وەلاتێ هندێ دێ خەلاتێ دایكا تێرێزا هێتە بەلاڤكرن و ئەم وەكو نڤیسینگەها رزگاركرنا رەڤاندیێن ئێزدی دێ ڤێ خەلاتێ پر بها وەرگرن”.
حوسێن كورو قائێدی، بەرپرسێ نڤیسینگەها رزگاركرنا رەڤاندیێن ئێزدی بۆ (باسنیوز) دیار كر: ” ئەڤرۆكە ل باژێری مۆمبای وەلاتێ هندێ دێ دەست ب دابەشكرنا خەلاتێ دایكا تیریزا ژلایێ دەزگەهێ هەرموون فرودیشن هێتە كرن و تێدا كچەكا رزگاربوویە ئێزدی بناڤێ (ئیمان عەبدولا) دگەل نڤیسینگەها رزگاركرنا رەڤاندیێان دێ خەلاتێ دایكا تیرێزا دێ وەرگرن و ئەڤە خەلاتە وەكو رێزگرتنە بۆ هەموو قوربانیێن دەستێن تیرۆرستێن داعش ئەم دێ ڤێ خەلاتی پر بها ئەڤرۆ پشتی نێڤرۆ دێ وەرگرن دی باری مە گرانتر كەت ئەم سۆزی دەن شەڤ و رۆژی بكەینە ئێك یی بەردەوام بن ل سەر ئەنجامدانا كارێن خوەیێن رزگاركرنا رەڤاندییان و هاریكاریا خەلكێ خوە بكەن “.
خۆیا ژی كر: “ئەم دێ پەیڤەكا گرنگ ژی ل سەر كاری نڤیسنگەهێ و رزگاركرنا رەڤاندیێن ئێزدی پیشكیش كەن دێ تێدا داخازا هەڤكاری ژ جڤاكێ نێڤدەولەتی كەین دهانا خەلكێ مە بهێن و هەڤكاری بكەن بۆ رزگاركرنا رەڤاندیێن هەتا نوكە بن دەستی تیرۆرستێن داعش دا”.
ل جینوسایدا شنگال 6417 كەسێن ئێزدی ژلایێ تیرۆرستێن داعش ڤە ل رۆژا 3/8/2014ێ هاتنە رەڤاندن هەتا نوكە پتر ژ 3515 كەسان ژبن دەستی تیرۆرستێن داعش رزگاربووینە و هیشتا چارەنڤیسی زێدەتر ژ دوو هزار و900 كەس ماینە”.
تُتاح هذه الصورة أيضا في: کوردی
