نێچیرڤان بارزانی: پتری سێ ھزار ئێزدییان چارەنڤیسێ وان نەدیارە
WAAR-دهۆك:
سەرۆکێ ھەرێما کوردستانێ، د پەیامەکێ جەژنا جەمایێ ل کوردێن ئێزدی پیرۆز کر و راگەھاند؛ تا نھا پتری سێ ھزار کوردێن ئێزدی چارەنڤیسێ وان نەدیارە.
نێچیرڤان بارزانی د پەیاما خوە دا، داخوازکر ئەڤ جەژنە ب خێر و خوەشی بۆ ئێزدییان و ھەموو کوردستانییان ڤەگەریت و گۆت: جەژنا ئەڤ سالە ژی ل دەمەکی دھێت ھێشتا ب دەھان ھزار کوردێن ئێزدی ژیانا ئاوارەیێ دەرباز دکەن و نکارن ڤەگەرن سەر مال و حالێن خوە و پتری سێ ھزاران ژی تا نھا بێسەروشوونن و چارەنڤیسێ وان نەدیارە.
سەرۆکێ ھەرێمێ خوەیا کر: ھەر چ یا دشیان دا بیت بۆ ڤەگەراندنا کوردێن ئێزدی بۆ سەر مال و حالێن وان یێن ئارام و ئاڤەدانکری دێ ھێت کرن و دوپات کر بزاڤێن وان بۆ ڤەگەراندنا کەسێن بێسەروشوون دێ بەردەوام بن.
تُتاح هذه الصورة أيضا في: کوردی
