بنگەهێ لالش رێورەسمێن ئیمزاكرنا پەرتۆكا(ئافرەت دتاوانێن داعش) دا گێران
تۆرا لالش یا راگەهاندنێ/دهۆك
دەستەیا بلندا بنگەهێ لالش یێ رەوشەنبیری و كۆمەلایەتی ل دهۆكێ، رێورەسمێن ناسكرن و ئیمزاكرنا پەرتۆكا(ئافرەت دتاوانێن داعش) دا گێران.
درێورەسمەكێ دا ئیرۆ 24/1/2019ێ ل دەمژمێر سێی پشتی نیڤرۆ ل هۆلا بنگەهێ لالش ل دهۆكێ و ب ئامادەبوونا چەندین كەسایەتیێن سیاسی و كارگێری و نڤیسكار و رەوشەنبیری و رێكخراوێن جڤاكێ سڤیل و سازیێن راگەهاندنێ، رێورەسمێن ناسكرن و ئیمزاكرنا پەرتۆكا(ئافرەت دتاوانێن داعش) دا هاتنە گێران،پشتی بخێرهاتن و خۆلەكەك سەكنین لسەر گیانێ پاكێ جانگۆریێن كوردستانێ،نڤیسەرێ پەرتۆكێ(عەبدولعەزیز موحسن بارزانی) شرۆڤەك لسەر ناڤەرۆكا پەرتۆكێ دا كو(30)چیرۆكێن تراژیدی یێن تاوانێن داعش د دەرهەقا كچ و ژنێن ئێزدیان دا كرین ل شنگال بخۆڤە دگرت و ژ(200) لاپەران پێك دئێت، ل پێرا سەرۆكێ بنگەهێ لالش بەرێز(شێخ شامۆ)پەیڤەك سەبارەت پەرتۆكێ پێشكێشكر و سوپاسیا نڤیسكاری كر و خەلاتكر.
پاشی پەرتۆك هاتە ئیمزاكرن و بسەر ئامادەبوویان دا هاتە بەلاڤكرن.
تُتاح هذه الصورة أيضا في: کوردی
