ئه‌مریكا دێ حه‌شدا شه‌عبی ژ ده‌ڤه‌رێن كوردستانی ده‌رێخیت
WAAR-دهۆك:
سه‌رۆكێ لژنه‌یا ئاسایش و به‌رگریێ ل جڤاتا پارێزگه‌ها نه‌ینه‌وا راگه‌هاند؛ ئه‌مریكا دێ حه‌شدا شه‌عبی ژ ده‌ڤه‌رێن كوردستانی ده‌رێخیت و سه‌ربازگه‌هێن خوه ل ده‌ڤه‌رێ دانیت.
هاشم بریفكانی، سه‌رۆكێ لژنه‌یا ئاسایش و به‌رگریێ ل جڤاتا پارێزگه‌ها نه‌ینه‌وا بۆ ئاژانسا ئه‌نادۆل گۆت: ئه‌مریكا دێ هێزێن خوه ل ده‌ڤه‌رێن كوردستانی یێن سنۆرێ مووسلێ به‌لاڤكه‌ت و نها مژوولی دانانا سه‌ربازگه‌هێن نوو یه.
گۆت ژی: ئارمانجا ئه‌مریكا ده‌رخستنا هێزێن حه‌شدا شه‌عبی و كێمكرنا هه‌ژموونا وه‌لاتێن ده‌ڤه‌رێ یه ل سه‌ر ئیراقێ و دیاره كو ئێدی ئه‌مریكا، چ مایتێكرنێن ده‌ره‌كی ل سه‌ر ئیراقێ قه‌بوول ناكه‌ت.
بریفكانی دا زانین ژی: ئێك ژ ئارمانجێن دی یێن ئه‌مریكا، نه‌هێلانا گه‌فا داعشێ یه ل سنۆرێ نه‌ینه‌وا، كو نها تیرۆرستێن داعشێ بزاڤا دووباره سه‌رهلدانا وێ رێكخستییا تیرۆرستی ل مووسلێ دكه‌ن.
تُتاح هذه الصورة أيضا في: کوردی
