پلانا رزگاركرنا گرتيێن ئێزدی دئێتە گهۆرين
باسنيوز:
رێڤەبەرێ نڤیسینگەها رزگاركرنا رەڤاندیێن ئێزدی دیار كر: “پلانا رزگاركرنا رەڤاندیێن كوردێن ئێزدی دووڤ وەخت و جه وبارودوخ دەڤەران دهێتە گوهۆرێن داكو بەردەوام رەڤاندیێن ئێزدی ژدەستێن تیرۆرستێن داعش بهێنە رزگاركرن”.
ئەڤرۆ 17/1/2019 حسێن كورو قائیدی، رێڤەبەرێ نڤیسینگەهارزگاركرنا رەڤاندیێن ئێزدی سەر نڤیسینگەها سەرۆكێ حكومەتا هەرێما كوردستانێ ڤە بۆ (باسنیوز) دیار كر: “نۆكە پتریا رەڤاندیێن ئێزدیان ل وەلاتێ سوریانە. ئەم هەولێن بەردەوام داینە بۆ رزگاركرنا ژیانا هەموو رەڤاندیان ژ دەستێن رێكخراوا تیرۆرستێن داعش وبەردەوام گوهۆرێن بسەر پلانا رزگاركرنا رەڤاندیێن ئێزدی دا دهێت. ئەوژی ل دووڤ جهێ رەڤاندی تێدا و بارودوخێ وێ دەڤەرێ پلان دهێتە دان. بۆ نموونە ل عێراقێ ب شیوەیەكێ رەڤاندێ دهێنە رزگاركرن و ل سوریا ب شیوەیەكێ دی رەڤاندی دهێنە رزگاركرن ژدەستێن هوڤێن داعش”.
خویا ژی كر: “ئەڤ سالە11 رەڤاندیێن ئێزدی یێن هاتینە رزگاركرن ژوانا ژی دوو خێزانیێن پێكهاتی ژ 7 كەسان ژ سوریا و كچەكا دی 20 سالی. هەتا ئێك رەڤاندی مابیت دێ كار یێ بەردەوام بیت”.
ژ سەرجەمێ 6 ھزار و 417 رەڤاندیێن ئێزدی 3 ھزار و342 رەڤاندی ژ هەردوو رەگەزان یێن هاتینە رزگاركرن وهێشتا چارەنڤیسێ 3 ھزار رەڤاندییان دیار نینە.
تُتاح هذه الصورة أيضا في: کوردی
