شەرەف حەلیقی:فلكلۆر كۆكا هۆنەری یە
تۆرا لالش یا راگەهاندنێ
هۆنەرمەندێ گەنجێ شنگالێ(شەرەف خدر) یێ ناڤدار ب شەرەف حەلیقی ژ بنەمالەكا هۆنەرمەندانە و نهۆ ل كەمپا باجد كەندالا ئاكنجی یە،د دیدارەكێ دا بۆ رۆژناما دەنگێ لالش راگەهاند،سترانا فلكلۆری یا شنگال وەك بنیات بۆ هەر هۆنەرمەندەكی دئێتە دانان و چ جارا نائێتە ژبیركرن و فلكلۆر كۆكا هۆنەری یە.
شەرەفی حەلیقی گۆت: ب رێیا ژەنینا تەمبوورێ ل سالا(1994)ێ دەست ب هۆنەرێ كریە و ل سالا (2010)ێ ئێكەم بەرهەم بەلاڤكریە و دوو بەرهەمێن دی ژی ل سالێن(2011)ێ و(2013)ێ هاتینە بەلاڤكرن كو (30) ستران ل هەرسێ بەرهەمان هاتینە گۆتن و ژ پەیڤ و ئاوازێن وی بخۆ نە و گەلەك ستران ب ئەڤینیێ ڤە دگرێداینە،ئەگەر هاریكاری بێتە كرن لبەرە چەند سترانێن دی ژی تۆمار بكەم،دەربارەی سترانا شنگالێ خویاكر،رۆلێ سترانا شنگالێ بلند دنرخینم و سترانا فلكلۆری یا شنگال هەردەم رۆلێ خۆ هەبوویە و وەك بنیات بۆ هەر هۆنەرمەندەكی شنگالێ دئێتە دانان و چ جارا سترانا شنگالێ نائێتە ژبیركرن،هەروەسا گۆتنا سترانێن فلكلۆری و چۆنا داوەت و شەهیانا دهەمان دەم دا تشتەكی مەزنە و پێتڤیە هۆنەرمەند لبەرچاڤ وەرگرت و نەبتنێ خۆ ب سترانێن داوەت و شەهیانا ڤـە مژوول بكت،ژبەركو فلكلۆر كۆكا هۆنەری یە.
ب گۆتنا ناڤهاتی هۆنەرمەندێن شنگال پێتڤی ب بنگەهەكی هۆنەری نە داكو بتر هۆنەرێ خۆ پێش بێخن،هەڤدەم ژی وەك پێتڤی گرنگی ب هۆنەرمەندێن شنگالێ نەهاتیە دان ژلایێ راگەهاندنا كوردی ڤە و خواست راگەهاندن پشتەڤان بت.
تُتاح هذه الصورة أيضا في: کوردی
