كوردێن عەلەوی و باوەری
فەهمی بابێ رۆژانێ
دینێ هەلاوی (عەلەوی) لدۆر ناڤكرنا وی بڤی ناڤی پرۆفیسۆر (جەمال نەبەز) دپەرتۆكا خۆ یا بناڤێ.. بەلەنگازێن كورد وبرایێن وان یێن بوسلمان كو ل سالا (1994)ێ هاتیە چاپكرن تێدا دبێژە كو بنیاتا پەیڤا (عەلەوی) ڤەدگەرە بۆ پەیڤا كوردی (هەلاڤ) ئانكو هێلما ئاڤا كەلیای وەكی ئاگرێ سۆربووی یان پیتا ئاگری وتوركان ئەو پەیڤە داناسین وكرە(ئەلەڤی) هەر ئانكو پیتا ئاگری وئەوی ناڤی پەیوەندی ب ئاگرێ پیرۆز ڤە هەیە كو دئۆلێن كوردی دا یێ پیرۆزە،دینێ هەلاوی هەر وەكی لقێن دی یێن دینێ ئێزدانی(ئێزدی.. یارسانی. دورزی. وهندەك ژ شەبەكا) وەكی دكتۆر مەهدی كاكایی دیار دكە كو ژوان دینێن نەی مزگینبەرە و باوەرپێكەرێ وان دینان باوەری بكراس گهۆرینێ هەیە هەر وەكی گیانێ وان دگەل یێ خودای هەڤدكرن وهەلاوی باوەر دكن كو هەفت رۆل هەنە بۆ دیاربوونا خودای هەر وەكی ل جەم یارسانیان و ئێزدیان دیار دبە وهەروەسا باوەر دكن كو گیانێ مرۆڤان ژناڤ ناچت وناچتە بەهشتێ یا دۆژێ بەلكی دووبارە دزڤرن بۆ هندەك جەستەیێن نوو و بۆ چەندین جاران دزڤرن وئەوێ بكارێن باش رابووین دێ بلندبن بۆ (١٤) پلان هەتا دگەهیژە قۆناغا داوی وئەو لگەل خودای هەڤدگرن بەلێ ئەوێن بكارێن خراب رابووی دێ لگەل هندەك گرۆپێن خرابڤە ئێتە گرێدان هەتا دبە ئاژەل ودێ مینت ئاژەل هەتا دمرت،هەروەسا باوەریا وان وەسا بۆ دچە كو مایتێكرنا دینی نامینت دژیانا مرۆڤی دە چنكو رێ بۆ گەهشتنا رۆناهیێ ب رێیا كارێن باش دبە نەكو بپەرستنێ و وەسا باوەردكن بتنێ ئەڤ جیهانە هەیە وقیامەت ئەوە دەمێ گیان ژ جەستەیی دەردچت ودچتە جەستەیەكی دی و ئەو جەستەیە وەكی بەهشت یان دۆژ و وان باوەری ب ژیانا ڤێ و بەهشتێ و ئاگری نینە و وەسا باوەردكن كو خودا مایتێكرنئ دكاروبارێن مرۆڤادا ناكت داكو وان بكەتە دئاگری دا یا بەهشتێ وزێرەڤانیا وان بكت بەلكی باوەردكن كو هەبووناكا جیهانی بۆ خودای هەیە و ئەڤ گەردونە ئێكە ژ بەهرەیێن وی و (دەستورێ) وان پێك دئێت ژ (١٦)قداسێن پیرۆز كو دەقێن هەلاوی نە وشێخێن وان پیرۆزیا بۆ وان كەسێن زەلام دبێژت داكو ببە نڤێژكەرەكێ دروست وپشكداریێ دكۆمبونێن دینی دا بكت وهەلاویان (١٢) جەژن هەنە بدرێژیا سالێ بەلێ جەژنێن وان بكرنا رێورەسمان ودوعایێن دینی چێدبە وسەربران دكەنە قوربانی وگۆشتێ وان سەربران لگەل ساڤارێ وبرنجی ددەنە خەلكێ،ژمارا هەلاویان دبنە (٢٥) ملیۆن كەس ل توركیا وباكوورێ كوردستانێ و رێژا وان دگەهتە(25%)تا (30%) ژ سەرجەمێ وەلاتیان و نێزیكی(٣٥%) ژ وان كوردن وجیێ وان ل ناڤەراست ورۆژئاڤایێ ئەنادۆلێ ونێزیكی دەریا رەشە و ئەو نێزیكی (١٣%) ژئاكنجیێن هەرێما رۆژئاڤایێ كوردستانێ وسووریا پێك دئینن ئانكو نێزیكی (2/3)ملیۆن كەسان و بتریا وان ل دەڤەرێن بەر ئاڤێ و ناڤەندا سووریا و ل پارێزگەهێن لازقیە وتەرتوس وحومس وحەما وهندەك ل حەلەبێ و دیمەشقێ دژین و ل لوبنان ژمارا هەلاویان دگەهتە (٧٠) هەزارا و ئەو ل چیایێن موحسن ل نێزیكی باژارێ ترابلس و ل دەشتا عەكار ل باكوورێ لوبنانێ دژین و لگۆر پئشبینیان ل ئەورۆپا بتر ژ دوو ملیۆنان هەنە و بتریا وان ل ئەلمانیانە كو نێزیكی (٦٠٠) هەزاری نە و ژوان (١٥٠) هەزار ل فەرەنسا دژین و( ٦٠) هەزار ل نەمسا دژین وحكومەتا نەمسا وێ دانپێدانێ بدینێ وان دكت… تێبینی مفا ژ گۆتارا د. مەهدی كاكایی ب ئەرەبی هاتیە دیتن.
تُتاح هذه الصورة أيضا في: کوردی
