خەما پاشەرۆژێ
دلۆڤان ئەمجەد بارزانی
ژیان ل ڤی وەلاتێ ئەم تێدا دژین رۆژ بۆ رۆژێ یا نەخۆش دبت و گەلەكا ب زەحمەتە، نزانم كا بەخت و چارەنڤیسا مەیا وەسایە و ژ جەم خودایێ مەزن ئەڤ نەخۆشیە بۆ مە هاتینە یان هندەك كەسان ژیان ل كوردستانا من بەرەف ژناڤچۆنێ ڤە بریە،راستی مخابن ئەڤ مللەتێ هندێ دلسۆز و باش و ب كەرامەت وەسا بێتە رەزیلكرن و مافێن وان بێنە پێشێلكرن،هەتا وی رادەی كو رێیێن وەسا سەخت و دژوار دگرنە بەر و دزانن ژ(90%) دەربازبوونا وان نینە و هەر بەرەف وێ رێ دچن بۆچی؟ پێخەمەت چی…؟ پێخەمەت هندێ دا بگەهنە وێ ژیانێ ئەوا هەژی وان وبگەهنە وی وەلاتی ئەوێ مافێ وان ب دروستایی بدەتێ چنكو مرن و ژین دڤێ رەوشا نهۆ ئەم تێدا وەكی ئێكن و چ جوداهی نینە،رۆژانە ئەم ب ساخی یێ دمرین و دبینین و روودانا ڤان كاودان ئەڤێن ئەم ب چاڤێن خۆ دبینین كا چاوا بێ رێزی و پێشێلكرنا مافان بەرامبەر مە دئێنە كرن،ب تایبەتی خووندەڤانان چ بەها نینە ل وەلاتێ من چ گرنگیەك ب باوەرنامێ نائێتەدان،ب رەنگەكی گشتی دامەزراندن نەمایە بلا نەئێنە دامەزراندن بەلێ كار ل كەرتێ تایبەت ژی نینە و بۆ گەنجان نائێتە رەخساندن دڤێت رێگە چارەیەك هەبت دا خەلكێ مە بكارت كار بكت چنكو دناڤ مەدا ل هەرێمێ مە گەلەك گەنج و كەسێن زیرەك و دانا یێت هەین زۆر پێگەهشتی خودان هزر و بیرێن باشن تشتێ نوو و ب مفا ل جەم وان هەیە،بەلێ مخابن چاوا بكار بینن ب چ رێ بێ پشتەڤانی ب راستی ئەڤە كارەساتە .. _ئەرێ چاوا بژین ….؟ _ب چ بژین ..؟ هەموو تەمەنێ مە چۆ هەتا بووینە خودان باوەرنامە لێ بەلێ مخابن باوەرنامێ ژی چ بەهایێ خۆنینە،ب كورتی و دروستی مە چ (مستقبل ) پاشەرۆژ ل ڤی وەلاتی نینە.. ئەگەر مرۆڤ ژی یێ بێ پاشەرۆژ بت مرن ژێرا دەرمانە،ب راستی گەلەكا نەخۆشە مرۆڤ یێ بێكار بت و چ ژ ژیان و پاشەرۆژا خۆ نزانت، هیڤیدارم حكومەتا هەرێما كوردستانێ كار بكت و هندەك پرۆژەیان دانێت دا رێژا بێكاریێ كێم ببت و گەنجێن مەژی ببنە خودان كار.
تُتاح هذه الصورة أيضا في: کوردی
