خەلكێ موسڵ ل ترسا داعش ئاوارەی دەڤەرێن بن كۆنتروڵا پێشمەرگەی دبن
باسنيوز:
پشتی ئازاكرنا موسڵ ژ چەكدارێن داعش نوكە سەر ژنو سەرهەلدایەڤە دەست ب ڤەلڤین و كریارێن خوە كریە ڤە ل عیراقێ تایبەت پارێزگەها موسڵ ئەو خێزانێن ل ئاوارەیێ زڤریەڤە جارەكی دی ئاوارەی ناڤ كەمبا دبنەڤە.
جەلال مەحمود، چالاكڤانێ كورد ل ناڤ سەنتەرێ موسڵ، بۆ (باسنیوز) راگەهاند: “چەكدارێن داعش ل چەندین گەرەكێن ناڤ سەنتەرێ موسڵ ب ئاشكرایی دەست ب ڤەلڤین و كریارێن خوە یێن نەمروڤانە كریەڤەو خەلكی ترس ل دەف پەیدا بۆە و نەئارامیەك ل دەڤەرێ پەیدا بۆە لەورا ئەو خێزانێن پشتی سێ سالێن ئاوارەیێ زڤریەڤ سەرجهێن خوە ئاوارە دبنەڤە”.
ناڤبری گوتژی: “ئەو خێزانێن نوكە ئاوارە دبن ژ هەمو پێكهاتەیێن موسڵن و هەتا هندەك خێزان عەربن ژی ، هەمو ژی ژبەر ترسا سەرهەلدانەڤەیا داعش ئاوارە دبنەڤە بۆ وان دەڤەرێن پێشمەرگە لێ هەی و ژبەركو د ئارامن”.
تُتاح هذه الصورة أيضا في: کوردی
