خەلکێ شنگالێ بۆ ڤەشارتنا تەرمێن مریان تووشی ئاستەنگان دبن
ئەڤرۆ نیوز:
وەلاتیێن قەزا شنگالێ دبیژن دەمێ کەسەک ل ناڤ کەمپێن ئاواران ل سنوورێ پارێزگەھا دھۆکێ گیانی خوە ژدەست د دەت ھەتا دبەنە شنگالێ بۆ ڤەشارتنێ ئەو تووشی ئاستەنگا دبن.
وەلاتی (داود عوسمان) خەلکێ خانەسۆری ل قەزا شنگالێ بۆ ئەڤرۆ نیوز دیار کر کو دەمێ کەسەک گیانی خوە ژدەست دەت ل ناڤ کەمپێن ئاواران و ژدەرڤەی کەمپان ژی کەس و کارێن وی تووشی ئاستەنگا دبن ھەتا دشێن تەرمێ وی ژ کەمپان ببەن بگەھینە قەزا شنگالێ بۆ ڤەشارتنێ، چونکو ب کێماسی ھەتا پێنچ دەمژمی١ران دچن و دەمێ دگەھنە زالگەھان ژی ل تەلەعفەر تووشی ئاستەنگ دبن، چونکو زالگەە رادوەستینن و پسیارا ژێ دکەن ئەڤە ژی بۆ کەس و کارێن مریان تشتەکێ نەخۆشە و گیرودبن، چونکی رێ یا درێژە و کاودانێن ئێمناھیێ ژی د ئاستێ پێدڤی دا نینن و گۆت:”ئەم ھیڤیدارین رێیا سحێلا بھێتە ڤەکرن، چونکو دێ رێ گەلەک کورت بیت دناڤبەرا کەمپان و قەزا شنگالێ دا”.
ژ ئالیێ خوە ڤە کچەکا ئێزدی ب ناڤێ گۆلناز کو نوکە ل کەمپا چەم مشکو دژیت بۆ ئەڤرۆ نیوز دیار کر کو چوونا خەلکێ د رێیا مووسلی و تلەعفەر دا بۆ شنگالێ گەلەک یا نەخۆشە چونکو چاڤێ خەلکێ یێ ژ تلەعفەر و مووسل شکەستی و نوکە ژی دەمێ ئێک دمریت پێدڤیە کەس و کارێن وی ژ کەمپێ د رێیا مووسل و تلەعفەر را تەرمێ مریێ خوە ببەنە شنگالێ و گۆت: ” ئەم داخوازێ دکەین رێ بھێنە خوەشکرن و ئاوارە ڤەگەرنە سەر جە و مالێن خوە داکو ژ ئاریشان رزگارببن”.
تُتاح هذه الصورة أيضا في: کوردی
