ژیانا ئاوارێن شنگالێ ل كەمپان دمەترسیێ دایە
تۆرا لالش یا راگەهاندنێ
ل دەمێ هاتنا وەرزێ زڤستانێ ئێش وئازارێن ئاوارێن شنگالێ ل كەمپێن سنوورێ پارێزگەها دهۆكێ زێدە دبن،ژبەر بای وبارانێن بهێز و نە گهۆرینا خیڤەتان ژیانا وان كەفتیە دمەترسیێ دا.
لدۆر ڤێ چەندێ (نەهلا حسێن) ئاوارەكا ل كەمپا شاریا ئاكنجی یە بۆ دەنگێ لالش ئاشكەراكر، هەر ژ رۆژا ئەولی ئەم هاتینە كەمپێ ئەم دنالین و رۆژ بۆ رۆژێ ئێش وئازارێن مە بتر دبن،ژبەر بچووكیا خیڤەتا و بتریا وان درزی و دریاینە و بكێر ژیانێ نائێن چنكو ئەڤ خیڤەتنە نەهاتینە گهۆرین، هەردەم مەترسی لسەر ژیانا ئاواران ل كەمپان دا هەیە ژبەر بای وبارانێن بهێز ب تایبەتی كەمپێن جیێن وان ئد كند،داخوازێ ژ جیێن شۆلەژێ و رێكخراوان دكەین ب زووترین دەم خیڤەتێن كەڤن بێنە گهۆرین و گاز سپی وسۆپە و پێتڤیێن زڤستانێ بۆ ئاوارێن كەمپێ بێنە دابینكرن.
چالاكڤان(خەلا شەمۆ )ل كەمپا خانكێ دژیت بۆ دەنگێ لالش خویاكر،ل دەمێ هاتنا وەرزێ زڤستانێ ئێش وئازارێن ئاواران زێدە دبن،چنكو خیڤەت دكەڤنن و نكارن بەرەڤانیێ ژ سەرمایێ و بای و بارانێن بۆش بكن،ل دەمێ بای و بارانێ ژیانا ئاواران دكەفتە دمەترسیێ دا و رەنگە خیڤەتێن وان بسەر دا بكەڤن،هەلبەت ئەڤە ژی كارتێكرنێ ب شێوەیەكی خراب لسەر دەروونێ ئاواران دكت.
تُتاح هذه الصورة أيضا في: کوردی
