ئه‌مریكا دلخۆشه بۆ سه‌ره‌دانا سه‌رۆك بارزانی بۆ به‌غدا
كوردستان تيڤى:
برێت مه‌كگۆرك، نوێنه‌ری تایبه‌تی دۆناڵد تره‌مپ، بۆ شه‌ڕی دژی داعش له عێراق، له هه‌ژماری تایبه‌تی خۆیدا له تۆڕی كۆمه‌ڵایه‌تی تویته‌ر نووسیویه‌تی: ویلایه‌ته یه‌كگرتووه‌كانی ئه‌مریكا خۆشحاڵه به‌سه‌ردانه‌كه‌ی سه‌رۆك بارزانی بۆ به‌غدا.
ده‌شڵێت: سه‌ردانه‌كه له پێناو پته‌وكردنی په‌یوه‌ندییه‌كان و هاوكاریكردنی نێوان حكومه‌تی ناوه‌ندو حكومه‌تی هه‌رێمی كوردستان گرنگه .
پێش نیوه‌رۆی ئه‌مڕۆ 22-11-2018 سه‌رۆك بارزانی و شاندێكی یاوه‌ری كه پێكهاتبوون له مه‌سروور بارزانی، ئازاد به‌رواری، د. ئومێد سه‌باح و مه‌سعود حه‌یده‌ر.گه‌یشتنه شاری به‌غدا و له‌لایه‌ن محه‌مه‌د حه‌لبوسی ، سه‌رۆكی په‌رله‌مانی عێراق و هادی عامری، سه‌رۆكی هاوپه‌یمانی فه‌تح پێشوازی لێكران.
دواتر سه‌رۆك بارزانی له‌گه‌ڵ عادل عه‌بدولمه‌هدی ، سه‌رۆك وه‌زیرانی عێراق و هادی عامری، سه‌رۆكی هاوپه‌یمانی فه‌تح كۆبۆوه.
شایانی باسه سه‌ردانه‌كه‌ی سه‌رۆك بارزانی بۆ شاری به‌غدا دوو رۆژ ده‌خاێنێ و تیایدا ژماره‌یه‌ك دیدارو كۆبوونه‌وه له‌گه‌ڵ به‌رپرسانی عێراق ساز ده‌كات.
تُتاح هذه الصورة أيضا في: کوردی
