مادەم نەهاتیە بێژین ئەكادیمیا لالش؟
شیلان عەبدولمەناف
هەلبەت دەمێ مرۆڤ ئاڤاهیەكی ئاڤادكەتن دەستپێكێ بنیاتەكی بهێز و موكم بۆ دروست دكت،لدوڤ دا كەلوپەلێن پێتڤی بۆ وی ئاڤاهی ئامادە دكەتن،لێ یا گرنگ وەكی مە ئاماژەپێكری بنیاتە،هەژی گۆتنێ یە كو بنگەهێ لالش ئێكەم پێنگاڤا خۆ یا بهێز ب بنیاتەكی دروست و جێگیر و موكم هاڤێتی بدیتنا من ئەو بوو دەمێ ب گیانەكی كوردایەتی و پاراستن لسەر رەسەنەتیا خۆ وەك ئێزدیاتی و زێدەباری هەمبێزكرنا هەموو تەخ و چینێن رەوشەنبیر و نڤیسكار و مامۆستا و فێرخازێن دەڤەرێ كری بێ جێوازی،ئانكو چ جێوازی نەكریە دناڤبەرا ئێزدی و موسلمان و كریستان و كاكەیی دا…هتد،بەلكو بنگەهێ خۆ یێ سەرەكی و دیسان ب لقێن خۆ ڤە ژی هەولدایە هەردەم ئاشتەوایی و ڤیان و لێبۆرینێ دناخێ هەر تاكە كەسەكی قەستا وان دكر بچینن،بنگەهەكی مینا لالش پێتڤیە ل نێزیك ببتە بنگەهەكی ئەكادیمی،چنكو ب سەدان ڤەكۆلین و دووڤچۆنێن زانستی و فلكلۆری و كەلەپۆری و دیرۆك و زمانزانی ب رێیا بنگەهێ لالش ڤەكۆلەر و مامۆستا و زمانڤان و بسپۆر دزمانێ كوردی دا كاری نە باوەرنامێن زانینگەهێ و ماستەر و دكتۆرایێ ژی بدەستڤەئیناینە و بوویە ژێدەرەك بۆ تەخا رەوشەنبیر،ل ڤێدەرێ ژی كارێ وی نەسەكنیە بەلكو كاری یە ب رێیا راگەهاندنا خۆ ژی كو راگەهاندن ژی پشكەكا ژ وێ رۆژنامە و پرۆگرامێن تلەڤزیۆنی و رادیۆ وان هزروبیرێن خەلكی نەخاسمە كەسێ نە یێ ئێزدی یێن كو ئێزدیاتی ب شێوازەكی شاش تێگەهشتین و فامكری،بیروبۆچۆنا وان ژ نەرێنی بۆ ئەرێنی و پۆزەتیڤ بگهۆرن،ئەڤە بخۆ سەركەفتنەكا ئێكجار مەزن دئێتە ل قەلەمدان بۆ بنگەهێ لالش و كادر و كارگێرێن وی،چنكو هێدی هێدی دیتنا شاش هاتە لادان و ئێدی تارادەكی بەرچاڤ ئیرۆ بۆ نموونە رۆژناما دەنگێ لالش ب دەهان نڤیسكارێن نە یێن ئێزدی بابەتێن وان دئێنە بەرچاڤ،بێگۆمان بنگەهێ لالش شۆرەشەك یا كری تاكو كاریە وان دە ستكەفتێن ناڤبری بدەستڤە بینت،بنگەهێ لالش تووشی گەلەك ئاستەنگ و قەیران و ركابەری و ململانێ بوویە لێ نەسەكنیە و هەر بەردەوام بوویە لسەر كار و خەبات و پەیاما راستەقینەیا خۆ كو ئەو ژی بنگەهێ لالش كانیەكا زەلالە دهوورتە درۆبارێ رەوشەنبیریا كوردی دا،دگەل ڤێ ژی ئەرێ مادەم نەهاتیە بێژین ئەكادیمیا لالش ل شوونا بنگەهێ لالش؟؟؟.
تُتاح هذه الصورة أيضا في: کوردی
