کوێت مۆلیدە و تانکەرێن ئاڤێ بۆ عێراقێ دابین دكت
K24- هه‌ولێر:
وڵاتی کوەیت بۆ یارمەتیدانی عێراق لەو تەنگەژەیەی ئێستا تێیکەوتووە، تانکەری ئاو و مۆلیدەی کارەبای داوەتە حکوومەت.
بەگوێرەی هەواڵێکی سایتی عومان تایمز، باخیت رەشیدی، وەزیری نەوت، ئاو و کارەبای کوەیت، لە کۆبوونەوەیەکی لەگەڵ کابینەی حکوومەتەکەی ئاشکرای کردووە: “حکوومەتی کوەیت چەند مۆلیدەیەک کە تێکڕا توانای بەرهەمهێنانی 30 هەزار کیلۆواتیان هەیە بەخشیوەتەوە عێراق”.
لە لایەکی دیکەوە، بەگوێرەی هەواڵێکی ئاژانسی کوەیت(کونا)، خالید رۆدحان، وەزیری بازرگانی و پیشەسازی کوەیت، بەخشینی چەند تانکەرێکی ئاوی بە عێراق راگەیاندووە.
بەخشینی مۆلیدە و تانەکەری ئاو لە لایەن کوەیتەوە بە عێراق لە کاتێکدایە، لە دوای ساڵی 2003، حکوومەتی عێراق ملیارەها دۆلاری بۆ کەرتی کارەبا خەرجکردووە بەڵام بەهۆی گەندەڵی و بوونی کەم و کوڕی لە دامودەزگاکانی حکوومەتدا، رەوشی کارەبا لە عێراق لە بارێکی زۆر خراپدایە.
زیاد لە 20 رۆژە هاووڵاتیانی عێراق بەهۆی کەمی خزمەتگوزارییە گشتییەکان و گەندەڵی زۆر، لە خۆپیشاندان بەردەوامن، لە نوێترین هەوڵی چاکسازیشیدا، حەیدەر عەبادی، سەرۆک وەزیرانی عێراق، وەزیری کارەبای حکوومەتەکەی سڕکرد.
تُتاح هذه الصورة أيضا في: کوردی
