هه‌ر تشت ده‌رباره‌ى جگارێ و نارگيلێ و چاوانا دووركه‌فتن ژ وان
نوش نيوز:
نارگیلە ب ھەشت رێیان کارتێکرنێ ل ساخلەمیا مرۆڤی دکەت
نارگیلێ گەلەک کارتێکرنێن خوە ل سەر ساخلەمیێ ھەنە و ل دووڤ ڤەکولینان دیاردبیت کو ھەشت زیانێن ب مەترسی یێن ھەین و ب ڤی رەنگی:
1- ئیدمان: ژ بەرکو نیکوتین ئێکە ژ کەرستین بەرنیاس کو ئیدمانێ پەیدا دکەت و ھەر وەسا زیانی د گەھینیتە ئەو کەسێن نەکێشن ئەوێ ل دەور و بەرا.
2- ھەودانا بوریێن ھەناسێ و مێلاکا سۆر یا بەردەوام و دومدرێژ و بێھن تەنگیێ ل دەڤ مرۆڤی پەیدادکەت.
3- رێ خوشکەرە بۆ پەیدابوونا پەنجەشێرا مێلاکا سۆر و دەڤی و گەدەی و میزدانێ.
4- ژبەرکو گەلەک کەس ئێک شووشەی ب کاردئینن، لەورا ھاریکارە بۆ ڤەگوھاستنا نەخۆشیێن ڤەگر ژ کەسەکی بۆ ئێکێ دیتر وەک نەخوشیێن مێلاکا سور وەکی ئێشا زراڤ و ھەودانا مێلاکا رەش.
5-کێشانا نارگیلێ ل نک ژنێن دوگیان کارتێکرنێ ل سەر کێشا زاروکی و رێژا شیری دکەت و دبیتە ئەگەرێ ژ بەرچوونا زاروکان.
6- گەلەک کارتێکرنێ ل ساخلەمیا زاروکان دکەت وەک بێھنتەنگیێ (الربو) و ھەودانا گوھا.
7- کارتێکرنێ ل توڤێ زەلامینیێ دکەت و دبیتە ئەگەرێ کێمبوونا خوین رێژیا ھەیڤانە ل دەڤ رەگەزێ می.
8- دبیتە ئەگەرێ ھەودانێن پێدیێن ددانا و بێھنا نەخوش ژ دەڤی دھێت و سەر ئێشانێ و ھەودان چاڤا و کوخکەکا بەردەوام پەیدادکەت.
Image result for â«Ø§Ø±ÙÙÙØ©â¬â
کارتێکرنێن جگارەکێشانێ ل سەر ساخلەمیێ
جگارەکێشانێ گەلەک کارتێکرن ل سەر ساخلەمیا مرۆڤی ھەنە، چونکی مەترسیا ڤان ئێشێن ل خوارێ زێدەتر لێ دکەت:
1- پەنجەشێر: جگارەکێشان ئەگەرێ 90% ژپەنجەشێرا سیھانە کو بەربەلاڤترین جورێ پەنجەشێریێن ل سەرانسەری جیھانێ.
ھەروەسا جگارەکێشان دبیتە ئەگەرێ پەنجەشێرا دەڤی، گەرۆیێ، میزدانکێ، پەنکریاسێ، ئوورکی، کولونێ و دەڤێ مابچووکی.
2- ئێشێن دۆم درێژ یێن سیھان.
3- ھشکبوونا رەھان: کو دبیتە ئەگەرێ ئێشێن دلی و مەژی.
4- ئێشا شەکرێ و بلندبوونا فشارا خوینێ.
5- تەوشا بێرگەر: ئەڤە ئێکە ژ ئێشێن رەھێن خوینێ و چارەسەریا ڤێ ئێشێ ب نەکێشانا جگارانە و دبیتە ئەگەرێ بڕینا پیێن نەخۆشی ئەگەر جگارا نەھێلڕیت.
6- کارتێکرنێ ل سەر پیستی و تاما خوارنێ و بێھنکرنێ دکەت.
7- ل دەمێ دوگیانیێ جگارەکێشان دبیتە ئەگەرێ ژبەرچۆنا بچووکی، بوونا پێشدەم یان بچووکێ کێمسەنگ.
جگارێ 4000 کەرستێن کێمیاوی تێدا ھەنە، 40 ژ وان دبنە ئەگەرێ پەیدابوونا پەنجەشێرێ.
Image result for â«Ø§Ø¶Ø±Ø§Ø± سجائرâ¬â
ھێلانا جگارەکێشانێ: بۆچی و چاوا؟
بۆچی:
1- جگارەکێشان مرۆڤی د ژییێ گەنجینیێدا دکوژیت یان ژ کاردئێخیت، کو د ڤی ژیدا خێزان و مللەتێ مرۆڤی ھەوجەی کارێ مرۆڤینە.
2- جگارەکێشان کارتێکرنێ لسەر ساخلەمیا وان کەسان ژی دکەت ئەوێن جگارە ل دەڤ دھێنە کێشان، بلا جگارکێش نەبن، نەخاسمە زارۆکان و بچووکێن د زکێ دایکێدا.
3- جگارەکێشان کارتێکرنەکا مەزن لسەر ژینگەھێ ب پەیداکرنا دووکێلێ، پیساتیێ، ئاگران دکەت.
4- گەلەک ژ پارێن جگارکێشی بو کڕینا جگاران یان دەرمانان دچن.
ھێلانا جگاران دبیتە ئەگەرێ ژییەکێ درێژتر، ژیانەکا چێتر، خێزانەکا ساخلەمتر، ژینگەھەکا پاقژتر، پارەیەکێ پتر
چاوا؟
ھەر جگارکێشەکێ دڤێت جگاران بھێلیت ھەوجەیی ب حەزێ ھەیە دگەل خێزان و ھەڤالێن ھاریکار و پشتگر.
ھندەک پێنگاڤێن زانستی ھاریکاریا گەلەک مرۆڤان کریە کو جگارەکێشانێ بھێلن، ئەوژی ئەڤەنە:
1- رۆژەکێ دەست نیشان بکە ژبۆ ھێلانا جگارەکێشانێ.
2- ھەمی جگارێن خوە ل ھەر جھەکێ تو لێ بی بھاڤێژە.
3- نەھێلە کەسەک ل دەف تە جگارا بکێشیت یان جگارا بینیتە سەر ھزرا تە، داخوازیا ھاریکاریا خێزان و ھەڤالێن خوە بکە ژ بو ڤێ چەندێ.
4- ھەر جارەکێ دلێ تە بچیتە جگارێ، بێھنا خوە دو – سێ جاران ھلکێشە و خوە ب شولەکیڤە مژوول بکە وەک دەرکەفتن بۆ گەریانەکا کورت، مەشق و راھێنان، خواندن، ئاڤ ڤەخوارن، خوارن.
5- بکارئینانا ھندەک جورێن نیکوتینی، وەک: نیکوتین_ پاچ یان سپرەی یان قاچک.. دبیت ھاریکاریەکێ بو تە بکەن.
ل جھێن کەسێن دی لێ ھەبن جگاران نەکێشە داکو زیانێ نەگەھینی ساخلەمیا وان ژی.
جگارەکێشان ل ھەمی دەزگەھێن حکومەتا ھەرێما کوردستانێ قەدەغەیە، ھیڤیدارین ژ ھەر کەسەکی پێگیریێ ب ئەڤێ چەندێ بکەت، چونکی ئەڤە نیشاەنەکە ژ نیشانێن پێشکەفتنا مللەتان.
تُتاح هذه الصورة أيضا في: کوردی
