سەرهاتیا عنتەری و بابێ وی دهژمارا ئێزدیا دا گرنگیا خۆ هەیە بۆ سەقایی و زڤستانێ
مەهدی حەسەن موراد
ل چاردەیی مەها سباتا رۆژهەلاتی وەرزێ زڤستانێ ب داوی دئێت و دبتە وەرزێ بەهارێ ل(٢/٢٧)ی زاینیی،ژبەركو مەها سباتێ نیڤەك زڤستانە و نیڤەك بەهارە،عنتەر رۆژەكێ ژ مال دەركەفت دنیا گەرم بوو رۆژەكا دەركەفتی دنیا گەلەك گەرم بوو بەرێ خۆ دا دەشتێ و گەریانەك ل ئاقارێ گوندی كر ،دیت تەیرو تەوال یێ پوش و پال خرڤەدكن و تەیرەكی بناڤێ (تیتی) هێلینا خۆ یا دروستكری و هیكێن كرین ،عنتەری ژی وەسا هزر كر زڤستان خلاس بوو مادەم چیچكا هیك كرینە،رابوو هاتە مال و دگەل بابێ خۆ ئاخڤی گۆتێ باب سبەی دێ پەزێ خۆ بەین زۆزانا و دێ رابین كاروبارێ خۆ كەین بابێ عەنتەری گۆتێ كورێ من هێشتا رۆژەك زڤستان یامایی بلا سبەی ژی دەرباز بت بخێر وهەرە،بەلێ فایدە نەكر عنتەری گۆتە بابێ خۆ رۆژەك و شەڤەك یێت ماین خۆ دنیا خراب نابت سبەی دێ پەزێ‌خۆ بەین ودێ چین هندی بابێ وی گۆتێ كوڕێ من دا زڤستان خلاس بت ئەڤ رۆژ و شەڤ گەلەكن ل هژمارا زڤستانێ یانكو سالەك و زەمان یێت ماین فایدە نەكر.
ل هێڤارا (١٣)ی سباتێ هێشتا رۆژەك مای زڤستان یانكو ل (٢/٢٦)عنتەری گۆتە بابێ خۆ دڤێت ب رێبكەڤین ئەو فەرمان ل بابێ خۆ كر تەرش و تەوال هەموو خرڤەكرن و خۆ بەرهەڤكرن ،سبەیكێ زوو دانە رێ ژ گۆتنا پتر ژ دەه كەریێن پەزی هەبوون و چەندین حێشتر وئاژەلێن دیتر هەبوزن ،سبەیكێ هەموو بكاركرن و بەرێ خۆ دان زۆزانا بۆ كۆچەریێ چێراندنا پەزێ خۆ و ب رێكەتن ، ب شەڤ بەفر و بارانێ لێكر و تەنگاڤ بوون سەقا ساربوز و بەفرەكا زۆر هات ورێیا وان هاتە گرتن و تەرش و تەوالێ وان كەتە بن بەفرێ هەتا بەرێ سبەیكێ هەموو ئاژەلێ وان دناڤ بەفرێ دا مرن، ژ نەچاری زگێ‌حێشترێن خۆ كەلاشتن و خۆ دناڤ زگێ حێشترا دا پاراستن بتنێ دا گیانێ خۆ ب پارێزن ، لێ عنتەری ڕمەك لبەر خۆ چقاند و زەنگلەك ب سەرێ رمێ ڤە دانا دا تشتەكی ژ رەوشا سەقایی ب زانت ، هەتا بەرێ سبەیكێ هەفت جارا بەفر باری و دبوو ساهی دەمێ بەفر دباری زەنگل نەدهژیا و دەنگ ژێ نەدهات دەمێ بەفێ بەتال د كر دەنگێ زەنگلێ دهات عنتەری زانی چەند جارا بەفر هاتیە و چەند جارا بوویە ساهی،بەرێ سبەیكێ رۆژا ئێكێ ژ بەهارێ بەفر و باران سەكنی و رۆژھەلات وڤەگەریان مال دەست خالی بەس مرۆڤ د ساخبون و تەرش و تەوالێ وان هەموو مرن ،ب رێڤە گۆتن دا ئەم بچین بەرێ خۆ ب دەین وی تەیری و هێلینا وی كا چی بسەرێ وان هاتیە چۆن دیتن تەیرێ (تیتی )ل ناڤ هێلینا خۆ یێ رەق بووی و مریە ،ئەڤجار عنتەری گۆتێ تیتكێ تیتانە تە مالا خۆ خرابكر و مالا من لجەم یا خودانی وهاتن مال ب دلەكی پر خەم و كۆڤان عنتەری دوو ژن هەبوون ئێك كچ مام بوو و ئێك یا بیانی بۆو عنتەری پرسیارەك ژ هەڤژینێن خۆ كر گۆتە وان دلێ كێژ ژوە بمە ڤە بوو كیژ وە دزانت چەند جارا بەفر عاتیە و چەند جارا بوویە ساهی، ژنا بیانی گۆت ب خودێ ئەز نزانم تشتێ ئەز دزانم بەفر هەوا هێڤاری هەتا سبێ دئێت، دۆتماما عنتەری گۆت پسمام ئەز نەرازیمە هەتا بەرێ سبەیكێ عەفت جارا شەڤێدی بوویە ساعی و عەفت جارا بەفر هاتیە عنتەری گۆت دۆتمام راست بێژی.
ئەڤجار هەتا نهۆ د هژمارا مەدا دبێژن هەتا رۆژەك زڤستان مایە دڤیا عنتەری ل بیرا خۆ بینن و هژمارا زڤستانێ بكن،لەوا ئەم دبێژین هەتا مەها رەش ل ناڤ مەهانە نەچە كۆچەری وزۆزانا.
تُتاح هذه الصورة أيضا في: کوردی
