حه‌شدا شه‌عبى و په‌كه‌كه كار دكن شنگال بیێنه سه‌ر به‌غدا ڤە
باسنيوز:
حه‌شدا شه‌عبى و په‌كه‌كێ ل شنگال، پلانه‌كا دێ دانایه ریێا بلندكرنا پوسته‌ریێن عه‌بدولا ئۆجالان و رێبه‌رى پارتى كرێكارانى كوردستان و بلندكرنا ئالایى پارت و لایه‌نێن سیاسى یێن جۆدا ل شنگال و ئالایى عێراقى، دخازن شنگال ئێداره‌كا سه‌ربه‌خۆ بیت و ب سه‌ر حكومه‌تا عێراقى ڤه بیت.
فه‌رماندێ پێشمه‌رگه‌ى ل چیایى شنگال (قاسم شه‌شۆ) بۆ(باس) دیار كر: “حه‌شدا شه‌عبى و په‌كه‌كێ ل شنگال پێكڤه كار دكه‌ن شنگال بیخنه سه‌ر به‌غدا ڤه، نوكه‌ژى هه‌ردوو لایه‌نێن سیاسى ل شنگال، راگه‌هاندنه‌ك به‌لاڤ كرینه ب زمانێ كوردى و عه‌ره‌بیه خدر شنگال ب زمانێ كوردێ وێ راگه‌هاندنێ دگه‌هینته ئێزدیان و ب زمانێ عه‌ره‌بى ژى فه‌یسه‌ل ره‌شید هاوسه‌رۆكى ئه‌نجومه‌نى گه‌لى كۆمه‌لگاى بۆرك ل شنگال دگه‌هینته ئێزدیان د وێ راگه‌هاندنێدا بانگه‌وازیى كۆمه‌لگاى نێڤده‌وله‌تى و حكومه‌تا عێراقى دكه‌ن كو ره‌وایه‌تى بده‌ن ب مافى خۆ رێڤه‌برنا دیموكراتیا خه‌لكێ شنگال ب سه‌ر عێراقى ڤه بن”.
شه‌شۆ ئه‌وژى دیار كر: “ب ریێا پلانێن تایبه‌ت و نهێنى حه‌شدا شه‌عبى و په‌كه‌كێ خه‌لكى شنگال پالڤه‌ده‌ن ل پێشیا خوه‌دا خه‌لك بخازن سه‌ر عێراقى ڤه بمینن، ئه‌ڤه پلانێن حه‌شدا شه‌عبى و په‌كه‌كێنه، چونكو هه‌كه شنگال سه‌ر عێراقى ڤه بیت دێ به‌رژوه‌ندیا وان گرۆپێن چه‌كدار بیت بۆ وان زڤرینه خه‌لكێ شنگال خه‌م نێنه بتنى خه‌ما ئه‌وه شنگال ده‌ستێ واندا بیت سه‌ر عێراقى ڤه بن، باشترین نموونه‌ژى ئه‌و نوكه حه‌شدا شه‌عبى و په‌كه‌كى خه‌لك سڤیل دئێنا سه‌ر جاده‌یان خوپێشاندانان دكه‌ن ڤێ داخازى ژ به‌غدا دكه‌ن ئه‌و خه‌لك ئینه سه‌ر جاده‌یان داكو ده‌وله‌تێن جیهانى بیژن پا خه‌لكى شنگال ل سه‌ر حه‌زا خوه یێ ڤێ داخازى دكه‌ن د بنیاتدا ئه‌ڤه نه داخازیا خه‌لكێ شنگالێ سه‌ر عێراقى ڤه بن چوو جاران پشتى كاره‌ساتا شنگال ته‌باخا سالا 2014 ئێزدى ناخازن دگه‌ل عه‌ره‌بان بژێن”.
شه‌شۆ گۆتژی:” گه‌له‌ك ئێڤاریان په‌كه‌كه ب ترۆمبێلان ل جاده‌یێن ده‌ڤه‌را شنگال دگه‌رێن و بلندگۆ گازى دكه‌ن خه‌لك پێشكداریى خوپێشاندانێن واندا بكه‌ت، دبیژنه خه‌لكێ دێ بۆ ئیزدیان هه‌موو تشته‌كى ئه‌نجام ده‌ن ئێزدى ژى دل سووتینه ل شنگال باوه‌ر دكه‌ن لى چوو جاران شنگال ژلایى حه‌شدا شه‌عبى و په‌كه‌كى ڤه خوش نابیت پێدڤیه خه‌لكى مه باش تیبگه‌هن مه‌ره‌ما وان پاراستنا ئێزدیان نێنه”.
وه‌یسى نایف، سه‌رۆكێ جڤاتا قه‌زا شنگال دیار كر: “حه‌شدا شه‌عبى و په‌كه‌كێ پێكڤه ئێزدیان پالڤه‌ده‌ن ب ناڤێ ئێزدیان داخازى ژ نه‌ته‌وه‌یێن ئیكگرتى و ئیكه‌تیا ئوروپا و حكومه‌تا عێراقى دكه‌ن ئێداره‌كا سه‌ربه‌خۆ ل شنگال دروست بكه‌ن، ئه‌ڤه ئێدارا وان سه‌ر به‌غدا ڤه بیت د بنیاتداژى ئه‌ڤه داخازیا خه‌لكێ لیقه‌ومایى شنگال نینه”.
ئاشكرا كر: “گرۆپێن چه‌كدار یێن نه‌قانوونى و نه‌ده‌ستۆرى بناڤێ خه‌لكێ شنگال مه‌ره‌مێن خوه یێن سیاسى ل شنگال بجه دئینن نوكه ئه‌م چاڤه‌رى حكومه‌تا عێراقى دكه‌ین لیژنه‌كا ڤه‌كۆلینى ره‌وانه‌ى شنگال بكه‌ت ئه‌و سه‌رپیچین ل شنگال دهێنه كرن هه‌موو بهێنه تۆماركرن“.
تُتاح هذه الصورة أيضا في: کوردی
