جڤاتا مووسل ژبەر حەشدا شەعبی و پەکەکێ چوو پلان بۆ ئاڤەدانیا شنگال نەھاتنە دانان
باسنيوز:
نوونەرێ خەلکێ شنگال ل جڤاتا پارێزگەھا مووسل دیارکرکو ھەتا ئەڤرۆ 10/1/2018 چوو پلان وبەرنامە نەھاتینە دانان بۆ ئاڤەدانیا شنگال و زڤرینە ئاواران بۆ دەڤەری چونکو ل شنگال فەوزایە.
سەیدو چەتۆ، نوونەرێ خەلکێ شنگال ل جڤاتا پارێزگەھا مووسل بۆ(باسنیوز) دیارکر: “ئەڤ سالا ژی ھیچ پلانەک بۆ ئاڤەدانیا شنگال نێنە ژبەر حەشدا شەعبی وپەکەکێ ھەتا ئەڤرۆکە 90% خەلکێ شنگال ل ھەرێما کوردستانێ ئاکنجیی نە نەشین زڤرنە شنگال ژبەر نەبوونا ئارامیی و خزمەتگوزاریان وئاریشەیان چونکو فەوزایە ل شنگال بەروڤاژی نوکە ئەو ئێزدیێن ل شنگال یێ دووبارە ئاوارە دبن چونکو ژیان ل دەڤەری نێنە”.
خۆیا ژی کر: “خەلکی شنگال زۆر نیکەرانن ژ ھەبوونا فەوزایە ل شنگال ھەتا حەشدا شەعبی وپەکەکە شنگال چوول نەکەن چوو جاران شنگال ناھێتە ئاڤەدانکرن وخەلک نەشین زڤرنە سەر مالێن خوە”.
تُتاح هذه الصورة أيضا في: کوردی
