كلیپا(میرا پەریا)هاتە بەلاڤكرن
تۆرا لالش یا راگەهاندنێ
دجەژنا سەرێ سالا ئێزدیان(چارشەمبا سۆر) دا كلیپا (میرا پەریا) یا هۆنەرمەند (بەدەل ئیبراهیم) هاتە بەلاڤكرن،ناڤەرۆكا وێ ئەڤینی یە دگەل كەڤناتیا ئەفسانەیا ئەدەبیاتا كوردی وەك (خاجا عەلی و میرا پەریا)و گەلەكێن دی ،مەرەم ژی پاراستنا رەسەنایەتیا كوردی یە.
هۆنەرمەندێ كوردێ ئێزدی(بەدەل ئیبراهیم) بۆ رۆژناما (دەنگێ لالش)دبێژت:ژبەركو كوردێن ئێزدی پێكهاتەكا كەڤن و رەسەنە كوردایە،لەوا من د جەژنا سەرێ سالێ یا ئێزدیان (چارشەما سۆر) كلیپا ناڤێ (میرا پەریا) بەلاڤكر،ئاواز یا منە و ژ پەیڤێن هەلبەستڤان (ئەدیب چەلكی) و ژ دەرهێنانا (عادل ئاكرەیی) یە ل باژێرێ ئەلمانیا و هۆلەندا كارێ وێنەكرنێ ژێرا هاتبوو ئەنجامدان و ل باژێرێ ستەنبۆلێ دابەشكرنا موزێكێ ژێرا هاتیە ئەنجامدان،ناڤەرۆكا وێ ئەڤینی یە دگەل كەڤناتیا ئەفسانەیا ئەدەبیاتا كوردی وەك (خاجا عەلی و میرا پەریا)و گەلەكێن دی ،مەرەم ژی پاراستنا رەسەنایەتیا كوردی یە،لەورا پشكەك ژ كلیپێ ل سەر دەریایی هاتیە وێنەكرن و ل جهێن شوونواری ل وەلاتێن(هۆلەندا و ئەلمانیا)هاتیە وێنەكرن.
ناڤهاتی ل سالا (1992)هاتیە دناڤ مەیدانا سترانگۆتنێ دا ل باتمانێ ل باكوورێ كوردستانێ ژ دایك بوویە و نۆكە ل وەلاتێ ئەلمانیا دژیت،هەتا نۆكە 6 ئەلبوم بەلاڤكرینە دگەل چێكرنا 12 كلیپان.
تُتاح هذه الصورة أيضا في: کوردی
