هه‌ولێر.. كه‌مپه‌كا نوو یا ئاواره‌یان دێ هێته چێكرن
WAAR-دهۆك:
سه‌رپه‌رشتێ كه‌مپین ده‌زگه‌هێ خێرخوازی یێ بارزانی راگه‌هاند: ئه‌وان کارێن ڤه‌كرنا كه‌مپه‌كا نوو كو ژ هزار و پێنجسه‌د و شێست چادران پێك دهێت، ته‌مامكرینه.
رزگار عبێد، سه‌رپه‌رشتێ كه‌مپێن ده‌زگه‌هێ خێرخوازی یێ بارزانی راگه‌هاند: ژ به‌ر به‌رده‌وامییا هاتنا ئاواره‌یێن ئالییێ راستێ یێ باژارێ مووسلێ، رۆژانه نێزیكی سه‌د تا سه‌د و پێنجیمالباتان قه‌ستا كه‌مپان دكه‌ن و نها نێزیكی حه‌فتێ و هه‌شت هزار ئاواره‌یان ل كه‌مپان جێهگیر كرینه.
گۆت ژی: ئه‌و وه‌ك ده‌زگه‌هێ خێرخوازی یێ بارزانی، دێ د رۆژێن بهێن دا كه‌مپه‌كا نوو ب ناڤێ “یۆ تۆ”ل دووراتییا سیهـ كیلۆمه‌تران ل رۆژائاڤایێ هه‌ولێرێ و نێزیكی كه‌مپێن خازر و حه‌سه‌نشام و سێودینان و چه‌مه‌كۆرێ، ڤه‌که‌ن.
ناڤبری ئاشكه‌را ژی كر: كه‌مپا نوو یا ب ناڤێ “یۆ تۆ” ژ هزار و پێنجسه‌د و شێست چادران پێك دهێت و نها پتری هزار چادران ته‌مامبووینه و ل نێزیك دێ ل هه‌مبه‌ر ئاواره‌یان هێته ڤه‌كرن.
تُتاح هذه الصورة أيضا في: کوردی
