بارزانی: مه چاره‌نڤیسه‌كێ هه‌ڤپشك دگه‌ل برایێن كرستیان هه‌یه
WAAR-دهۆک:
سه‌رۆكێ هه‌رێما كوردستانێ ئه‌ڤرۆ جه‌ژنا قیامه یا حه‌زره‌تێ مه‌سیح ل ته‌ڤاهییا كرستیانێن هه‌رێمێ، ئیراقێ و ته‌ڤاهییا جیهانێ پیرۆز كرییه.
مه‌سعوود بارزانی د په‌یامه‌كێ كو ئه‌ڤرۆ ب هه‌لكه‌فتا جه‌ژنا قیامه یا حه‌زره‌تا مه‌سیح به‌لاڤكر و تێدا زێده‌باری پیرۆزباهییان، گۆتییه: جه‌ژن و هه‌لكه‌فتێن ئایینی یێن پێكهاته‌یێن كوردستانێ دوپاتكرنه ل په‌یاما ئاشتی و پێكڤه‌ژیانێ، كوردستان ژی ب فه‌رهه‌نگا پێكڤه ژیانێ ناڤ كر.
سه‌رۆكێ هه‌رێمێ گۆت ژی: برایێن كرستیان ل هه‌رێما كوردستانێ دلنیا دكه‌ین كو ئه‌و پشكه‌كن ژ هه‌رێما كوردستانێ و دێ پشكدارییێ د دیاركرنا چاره‌نڤیس و مافێن ره‌وا یێن گه‌لێ كوردا كه‌ن.
هه‌ر ب ڤێ هه‌لكه‌فتێ، جڤاتا وه‌زیرێن هه‌رێما كوردستانێ ژی د په‌یامه‌كێ دا جه‌ژنا قیامه ل كرستیانان پیرۆز كرییه و هیڤی خواستییه جه‌ژنێن بهێت ل بن سیبه‌را نه‌مانا تیرۆرێ و سه‌ركه‌فتنا ب ئێكجارییا یا هێزێن پێشمه‌رگه‌ی پێكڤه بگێڕن.
تُتاح هذه الصورة أيضا في: کوردی
