بارزانی: ب هێرشا سه‌ر د.فه‌رهاد پیربالی دلگران بووم
WAAR-دهۆک:
مه‌سعوود بارزانی سه‌رۆكێ هه‌رێما كوردستانێ، دلگرانیا خوه ژ هێرشكرنا سه‌ر دكتور فه‌رهاد پیربال راگه‌هاند و سازیێن په‌یوه‌ندیدار راسپاردن، ل گۆری قانوونێ هێرشكه‌ران بده‌نه دادگه‌هێ.
د راگه‌هاندنه‌كێ دا، دكتور ئومێد سه‌باح په‌یڤدارێ سه‌رۆكایه‌تییا هه‌رێمێ گۆت: ئه‌و ب هه‌موو ئالییان رادگه‌هینن كو بارزانی هایداری هێرشكرنا سه‌ر دكتور فه‌رهاد پیربالی یه و ژبه‌ر وێ بوویه‌رێ ژی گه‌له‌ك دلگران بوویه و هه‌موو سازییێن په‌یوه‌ندیدار راسپاردینه هێرشكه‌ران ده‌سته‌سه‌ر بكه‌ن و بده‌نه دادگه‌هێ و ل گۆری قانوونێ، ئیجرائاتان دگه‌ل دا بكه‌ن.
ئه‌ڤه د ده‌مه‌كی دایه دوهی ل هه‌ولێرێ، دو كه‌سان هێرشی دكتور فه‌رهاد پیربالی كر و وه‌ك د گرته فیدیۆیێن تۆرێن جڤاكی دا به‌لاڤبوویی، ئه‌و هه‌ردو كه‌سه ب گۆتنێن كرێت و چه‌ك و بۆكس و شه‌قان هێرشی دكتور فه‌رهادی دكه‌ن.
تُتاح هذه الصورة أيضا في: کوردی
