مۆنالیزا بچووکا مووسلێ د تۆرێن جڤاکی دا بەربەلاڤ بوویە
WAAR-دهۆک:
ژ ئەگەرێ شەڕ و پەڤچوونێن دژوار د ناڤبەرا ھێزێن ئیراقی و تیرۆرستێن داعشێ دا ل مووسلێ، رۆژ بۆ رۆژێ چیرۆکێن تراژیدی یێن جودا بەلاڤ دبن.
نووترین چیرۆکا تراژیدی ژی وێنەیێ کچەکا ئاوارەیا مووسلێ یا د تۆرێن جڤاکی دا ب ناڤێ مۆنالیزا بچووکا مووسلێ ھاتیە ناڤکرن.
چارا ئێکێ یە ئاژانسا رۆیتەرز وێنەیێ وێ کچا ئاوارەیا مووسلێ بەلاڤ دکەت، ناڤێ وێ ژی کرییە مۆنالیزا بچووکا مووسلێ، د تۆرێن جڤاکی ژی دا ب ناڤودەنگ بوویە.
ئاژانسا رۆیتەرز بەلاڤ کرییە؛ کچەکا ئاوارە یا مووسلێ ژ برس و ترس و لەرزێ شیایە خوە ژ ئاگرێ شەڕی رزگار بکەت و بگەھیتە جھێن ئارام.
رۆژانە چیرۆکێن تراژیدی د ناڤا ئاوارەیێن مووسلێ دا رووددەن و ب تایبەت د ناڤ زارۆیان دا، گەلەکێن ژ وان ژی ھەر نوزانن چ ل مووسلێ رووددەت و دەمێ دگەھنە جھێن ئارام، بۆ چاڤکێن کامیرەیێن رۆژنامەڤانان دکەنە کەنی.
تُتاح هذه الصورة أيضا في: کوردی
