بنگەهێ لالش:خوونا شەهید “دكتۆر سلێمان” وێ گول و گیانێ پێكڤەژیانێ ل باشیكێ و شنگالێ گەش بكت
پشتی هاتنا رێكخراوا تیرۆرستیا داعش ل سالا 2014ێ بۆ ناڤ خاكا عێراقێ ، ئەو ئازادی و پێكڤەژیان و خاكا كوردستانێ ژی كەفتە بەر شالاوا ڤێ رێكخراوا تیرۆرستی ،و ژبەر وی چەكێ گرانێ كەفتیە دناڤا دەستێ ڤێ رێكخراوا تیرۆرستی دا كارین ژەهرا خۆ پاڤێنە هنەك دەڤەرێن كوردستانی ژی، لێ خۆراگریا پێشمەرگەیێ قارەمان و ڤیانا وان بۆ وەلاتێ وان مەزنتر بوو ژوان پیلانێن ژەهراوی یێن دوژمنان، هەر ئێكسەر پشتی دەنگ و باسێ هێرشا داعش بۆ سەر كوردستانێ گەهشتیە دكتۆر سلێمان ، ئەوى ژوەلاتێ ئەلمانیا قەستا كوردستانێ كر بۆ هندێ هاریكاریا پێشمەرگەی بكەت ، و دڤی ماوەی دا كاری رۆلەكی بلند لگەل سەركەفتنێن پێشمەرگەی ببینت ب تایبەت دوارێ پووچكرنا مین و تەقەمەنیان دا و دئەنجامدا بوو قورتالكەرێ گیانێ ب هزاران پێشمەرگەیان هەروەسا د دەمێن هێرشکرن و بەرگریێ دا ژی دیم ل رێزێن پێشیێ بوو و بەشداری د هەمی چەپەراندا ل هەمی دەڤەراێن کوردستانێ دکر و مێرخاس و وەلات پارێزەکی ب جەرگ بوو.
ئەو دلسۆزی ڤیانا وی یا ژدل دگەل کوردێن ئێزدی پشتی هێرش و زۆرداریا تیرۆرستا ئانی سەر ئێزدیان هێلا د ڤی ماوێ کورت دا کەسەکی هەری نزیک و خوەشتڤی ل جەم پرانیا بەرپرس و کەسێن ئۆلی و جڤاکا ئێزدیان ب شێوەکی گشتی، هەروەسا ڤی قەهرەمانی و هەڤالێن خوە ئەرکێ راهێنان کرن و دانا وانێن سیاسی و وەلات پارێزیێ ددا سریا پێشمەرگەهێن پاراستنا پەرستگەها پیرۆزا لالش و لسەر دەستێ وی هاتبون فێرکر.
پشتی جەنابێ سەرۆك بارزانی ل 12-11-2015 فەرمانا ئازادكرنا شنگال دایی ئێكسەر دكتۆر سلێمان ب ئەرکێ خۆ زانی مل ب ملێ برایێن خۆ یێن پێشمەرگە بەشداری ڤێ هێرشا مەزن بت و ئەو مین و تەقەمەنیێن داعش بۆ پێشمەرگەی چاندین پرانیا وان پوچەل كرن، لەوا ژی ئەڤی شەهیدێ قارەمان ب ئازایەكا مەزن ل بەرۆكێن شەری ورەیێن پێشمەرگەی بلند دكرن، و دبەردەوامیا سەركەفتنێن پێشمەرگەی دا ل دەڤەرا باشیكێ دكتۆر ژئەگەرێ پوچەلكرنا مینەكا چاندی ل 26/10/2016 ب سەختی برینداردبت و ل هەر 30 ی ڤێ مەهێ دەنگ و باسێن شەهیدبونا وی ل وەلاتێ ئەلمانیا گەهشتە مە.
ب ڤێ هەلكەفتا دلتەزین ئەم ل سەر ناڤێ دەستەیا بلندا بنگەهێ لالش و هەموو تایی و نڤیسینگەهێن خۆ سەرێ رێز و نەوازشێ بۆ شەهیدێ قارەمان دكتۆر سلێمان و هەموو شەهیدێن كوردستانی دچەمینن، ئەم دوێ باوەریێ دانە كو خوونا ڤی مەردەمێری و هەمی شەهیدێن ڤی شەرێ تیرۆرستا ئانی سەر وەلاتێ مە وێ ببتە هێمایێ بتر خەملاندنا گول و گیانێ پێكڤەژیانێ ل دەڤەرا شنگال و باشیكێ و هەموو ئاخا كوردستانێ ، چونكی هەر ئەڤ جوانی و پێكڤەژیانەیە ئەوا ئیرۆ دناڤا كوردستانێ دا گەش دبە بویە داخەكا مەزن د دلێ دوژمنان دا .
ل داویێ ژی دبێژین ئازادیا سەرانسەر ب خوونا شەهیدان و ب هیمەتا پێشمەرگەیێن قارەمان و ب رێبەریا سەرۆك بارزانی وێ ببتە مزگینیا مەزن ژ بۆ روحا شەهیدێن مە .
بن عەردبە ئالایێ رەشێ تیرۆرستا
سەرکەفتی و بلند بە ئالایێ رەنگینێ رۆژێ
بژیت كورد ..بژیت كوردستان ..
شێخ شامۆ
سەرۆكێ دەستەیا بلندا بنگەهێ لالش
دهۆك،30-10-2016
تُتاح هذه الصورة أيضا في: کوردی
