بەلاڤكرنا هاریكاریێن خوارنێ ب سەر 70خێزانێن رزگاربوویان ل كۆمەلگەها شاریا
تۆرا لالش یا راگەهاندنێ
تۆرا دروستكارێن ئاشتیێ ب هەماهەنگی لگەل رێكخراوا داك بۆ گەشەپێدنا ژنا ئێزدی و بنگەهێ لالش تایێ شاریا،هاریكاریێن خوارنێ پێشكێشی 70خێزانێن رزگاربوویان ژ دەستێ رێكخراوا داعشێ كرن.
ل رێككەفتی 16/7/2016،هاریكاریێن خوارنێ ل سەر 70خێزانێن رزگاربوویان ژ دەستێ رێكخراوا داعشێ ل كۆمه‌لگه‌ها شاريا هاتن بەلاڤكرن.
ل دەستپێكێ “پەروین ئەمین موراد”ئەنداما جڤاتا قەزا شنگالێ ئاماژەكر كو ئەم هەموو برایێن ئێكین و برینا وە برینا مەیە و دێ هاریكاریان پێشكێشی وەكەم ل دووڤ هێزا وەكو تۆرا دروستكارێن ئاشتیێ ئەوا پێكهاتی ژ ژنێن هەموو ئاینان و نەتەوەیان و هەول ددەین رۆناهیێ بدەینە سەر پێتڤیێن ژنان.
هەروەسا “سوزان سەفەر”بەرپرسا رێكخراوا داك دیاركر:”ئارمانجا مە پشتەڤانیكرنا ژنێ یە ل هەموو بوارێن مادی و مەعنەوی دا و هشیاركرنا وێ،ئەم ل ڤێدەرێ نە بۆ پشتەڤانیكرنا وە و رزگاربووی و خێزانێن وان ل بارەكێ دەروونی و مادی یێ نەباش دا دژین،سەرەرای رێكخراوێن هەولداین هاریكاریان پێشكێشی وان بكن،بەلێ نە ل دووڤ ئاستێ داخوازكری.
ژلایەكێ دیڤە”دلگەش سەلیم”بەرپرسێ بنگەهێ لالش تایێ شاریا گۆت:”هەردەم دبەرهەڤین بۆ ڤەكرنا دەرگەهێ بنگەهێ لالش و هۆلێن بنگەهی بۆ خزمەتكرنا خەلكێ خۆ و هەموو جڤاكی،ئەم دبەردەوامین ل سەر پێشكێشكرنا پشتەڤانیێ.
تُتاح هذه الصورة أيضا في: کوردی
