خێرخوازەکێ ئێزدی 100 ملیۆن دیناران بو ئاواران خەرج دکەت
تۆرا لالش يا راگه‌هاندنێ
خێرخوازەکێ ئێزدی دیار کر کوژمێ 100 ملیۆن دیناران ئاواران خەرجکرینە، داخواز دکەت سەندوقەک بھێتە دروستکرن ھەموو خیرخواز تێدا پێشکداریی بکەن بۆ ھاریکاریا ئاواران، چونکو حکومەتا عیراقێ ھاریکاریا ئاواران ناکەت، پێدڤیە خیرخواز ھاریکاریا حکومەتا ھەرێما کوردستانێ بکەن بۆ ئاواران.
علی کوندی یی ناسیار ب ئەبو فایز ل دەڤەرا شیخان بۆ (باسنیوز) دیارکر ل ھەموو دونیایی خیرخواز ھاریکاریا حکومەتی دکەت دەمێ قەیرانێن دارایێ دا پێدڤیە ئەو کەلتور ل ھەرێما کوردستانێ ژێ پەیدابیت دەولەمەند ھاریکاریا حکومەتێ بکەن چونکو حکومەتا عیراقێ ھەموو شیانێن خوە یا دژاتیا ھەرێما کوردستانێ دکەت د وەختەکێ دا گەلەک وەلاتین عیراقێ ئاوارانە ل ھەرێما کوردستانێ ئاکنجیی نە.
ناڤبری ئەو ژێ دیار کر ئێزدیان گەلەک دەولەمەند ھەنە ھەکە سەندوقەک بھێتە دروستکرن و ھەیڤانە ھەر دەولەمەند دووڤ شیانێن خوە ھاریکاریا سەندوقی بکەت دێ شین رەنگەکێ باشتر خزمەتا ئاواران بکەن تایبەتی ژێ کەسێن پێدڤی و نەخۆش ل بەغدا ژێ ئەم بەردەوام ھاریکاریا خەلکێ خوە دکەن نە جارەکی سەدان جاران ھاریکاریا وەلاتیان ھاتیە کرن ئەم بەرھەڤن ھەردەم خزمەتا خەلکێ خوە بکەن.
علی کوندی گۆت:” ئەم حازرین ھەردەم ھاریکاریا پێشمەرگەی بکەن، ھەردەمێ داخوازی ژ مە بھێتە کرن بۆ ھەر کارەکێ بیت ئەم بەرھەڤن ول دەستپیکا ھاتنا ئاواران ھەتا نوکە ئەم ھاریکاریا ئاواران دکەن بکرە ھەر ژ دابینکرنا شوقەیان و ئاڤاھیان و گەل و پەلین خۆارنی و ڤەخۆارنی و ناڤمالی و جل وبەرک کوژمی ١٠٠ ملیون دیناران مە ھاریکاریا ئاواران یا کری”.
تُتاح هذه الصورة أيضا في: کوردی
