شێخ شامۆ هیڤیا بەهرەمەندەكێ ئێزدی بجی دئینە 
تۆرا لالش یا راگەهاندنێ
پشتی بەهرەمەندێ ئێزدی” حەمادی سماعیل “ئاستەكێ باش ب ئامیرێ بلۆلێ و مۆزیكێ پێشكێشكری ل بەرنامێ” شەیدا” یێ بەهرەمەندان كو ل كەنالێ وار تیڤی دئێتە پێشكێشكرن،سەرۆكێ دەستەیا بلندا بنگەهێ لالش ل دهۆكێ ناڤهاتی داخوازكر و ل بنگەهی پێشوازی لێكر و خەلاتكر و داخوازا سەركەفتنێ و پشتەڤانیا خۆ ژیرە دیاركر.
بەهرەمەندێ ئێزدی” حەمادی سماعیل “تەمەن 13سالە پشتی كول بەرنامێ”شەیدا” ئاستەكێ باش تۆماركری و ل شاشێ دەركەفتی،”شێخ شامۆ”سەرۆكێ دەستەیا بلندا بنگەهێ لالش ل دهۆكێ ئەو داخوازكر و ئیرۆ رێككەفتی 2/7/2016،ل ئاڤاهیێ بنگەهێ لالش پێشوازی لێكر كو باب و برایێ وی ژی دگەل دابوون،پشتی بەرێز”شێخ شامۆ”زانی كو ل كارەساتا شنگالێ ئۆرگا خۆ ژ ده‌ست دده‌ت، ل سەر كیستێ خۆ ئۆرگەكا پێشكەفتی ب سالوخەتێن باش ژێرە دابینكر و پێشكێشكر و داخوازا سەركەفتنێ و پشتەڤانیا خۆ ژێرە دیاركر و هیڤی خواست بەردەوام بت.
هەروەسا ل بەرامبەردا حەمادی و بابێ خۆ سوپاسیا جەنابێ”شێخ شامۆ” كرن سەر ڤێ پشتەڤانی و خۆیی دەركەفتنێ.
تُتاح هذه الصورة أيضا في: کوردی
