میرێن ئێزدیان:شنگال پێتڤی دامەزراندنا پارتێن سیاسی نینە
تۆرا لالش يا راگه‌هاندنێ
کەساتیەکی ژ بنەمالا میرێن ئێزدیان دیارکر دامەزراندنا پارتەکێ ب ناڤی پارتی ئازادی و دیموکراسیی ئیزدیان ل شنگال دڤێ رەوشێ دا خزمەتا شنگال و ئێزدخانی پێ ناھێتە کرن چونکو شنگال پێدڤی دامەزراندنا پارتێن سیاسی نێنە بەلکو شنگال یا وێرانکریە پێدڤی ئاڤەدانیی و خزمەتگوزاریان ھەیە.
داسن میر فاروق بەگ، ژ بنەمالا میرێن ئێزدیان بۆ (باسنیوز)دیارکر دامەزراندنا حزبەکی ل شنگال یا مەترسیە چونکو رەنگە رۆژەک بھێت پەکەکە بارەگایێن خوە ڤەگوھیزتە د ناڤ سەنتەری شنگالی دا چونکو نوکە رۆژانا فرۆکێن شەری یێن وەلاتی تورکیا بارەگایێن پەکەکی ل قەندیل تۆپباران دکەن ھەکە پەکەکە ل شنگال ژی بمینت دێ فرۆکێن تورکیا شنگال ژێ تۆپباران کەت دئەنجامدا دێ ھەر خەلکی شنگال زەرمەند بیت نەشین ڤەگەرنە سەر حالێ خوە.
میر داسن گۆت: ھەرێما کوردستانێ یا بەرەڤ رێفراندۆمێ و سەربەخۆیا کوردستانێ دچێت، دامەزراندنا حزبەکا سیاسی ل شنگال دڤێ رەوشی دا شەرەکە دگەل ئیزدخانی دھێتە کرن بۆ ژ دەستدانا ماڤی خەلکێ شنگال مەزنترین زیان دێ گەھتە ئێزدخانی چونکو شنگال پێدڤی دامەزراندنا پارتێن سیاسی نێنە شوونا دامەزراندنا پارتێن سیاسی ل شنگال بلا دەست ب ئاڤەدانیێ بھێتە کرن و خەلک ڤەگەرنە سەر حالێ .
ناڤبری ئەو ژی ئاشکرا کر کو ھەر لایەنێک دژێ شنگال و پاشەرۆژا شنگال کاربکەت ئەو لایەن دوژمنی ئیزدخانی یە، لی سەرۆک بارزانی رێ ڤان پلانێن دوژمنان نادەت دێ یێ بەردەوام بیت بۆ پارێزگەھبوونا شنگال و خوشکرنا رەوشا خەلکێ شنگال و ڤەگەراندن و ئاڤەدانیا شنگال.
تُتاح هذه الصورة أيضا في: کوردی
