بنگەهێ لالش:برینداركرنا هەستێ ئێزدییا نائێتە قەبوول كرن
پشتی بەلاڤبوونا داخویانییا هێژا چنارسعد عبدللە وەزیرا بەرێ یا شەهید وئەنفالكرییا یا هەرێما كوردستانێ وئەنداما سەركردایەتیا پارتی دیموكراتی كوردستان، ب مەرەما زانیینا راستییا ڤێ چەندێ مە پەیوەندی پێ كر و ئەو تشتێ هاتیە بەلاڤكرن ئنكار كر ودوپاتكر كو دێ لێبۆرینا وێ ل نێزیك بەلاڤ بت ودێ تێدە داخوازا لێبۆرینێ ژمە كت.
بەلێ وەسا دیاربوو ئەو یا دئاستەنگەكی دە،وێ نكاری بەرەڤانیێ ژخۆ بكت،چنكو ئەگەر ئەو بێژت ئەو رۆژنامەڤانێ چاڤپێكەفتن دگەل كری نە وەكی گۆتنا وێ بەلاڤكربت ئەو دكارت سكالەیەكێ ب دژی وی تۆماركت لێ ئەو نكارت ڤێ كریارێ بكت.
وئەو تشتێ وێ ڤێ دوماهیێ بەلاڤكری بەرۆڤاژی وێ سمینارێ بوو یا ل پەرستگەها لالش پێشكێشكری.
ئەم نە پشتەڤانیا هێژا وەزیرا بەرێ دكەینە لێ ئەو دئێتە هژمارتن ئێك ژ ئەندامێن سەركردایەتیا پارتی دیموكراتی كوردستان ، ب ڤی رەنگی بۆ وی ب نەباشی دزڤرت و هەر وەسا بۆ مێژووا بابێ وێ یێ پێشمەرگە وشەهید ژبلی مێژووا پارتی یاكەڤنار، وبڤان گۆتنێت خۆ ئەوێ بتر پالپشتیا دوژمنێت كوردستانێ كر بۆ چێكرنا دەرزەكێ دناڤ بەرا ئێزدی وسەركردایەتی وجەماوەرێ پارتی دیموكراتی كوردستان دە،وبرێیا ڤان داخویانیێن نە دجیێ خۆدە خانم جنارێ خۆ(احراج) كر هە وەسا لایەنێ خۆژی ئێخستێ ، ئەم داخواز دكەین هەر ئێكی ل دۆر ئێزدیاتیێ نڤیسینەكێ بەلاڤ كت ب هشیاری بچتە دناڤ دە، وئەگەر زانیاریێن دروست ل سەر ئول وجڤاكێ ئێزدی نەبن ب چ نڤیسین وبەلاڤۆكا هەستێ وان بریندار نەكن.
ژنا ئێزدی ژكەڤندە جیەكی بەرز دناڤ جڤاكێ ئێزدی دە گرتیە ، ئەو ژی دزڤرت بۆ مێشكێ تاكێ ئێزدی یێ شارستانی وڤەكری.
لەورا دیتنا خانم چنار ب ڤی رەنگی نا ئێتە قەبول كرن وئەم دخوازین پارتێن كوردستانی سایكۆلوژیا وئاستەنگێن جڤاكێ ئێزدی بەر چاڤ وەرگرن ودەلیڤێ نە دەنە كەسەكی ناكوكیێ دنا ڤ ئۆل و پێكهاتێن كوردستانێ دە بچینن وكاربێتە كرن بۆ دانانا سنورەكی بۆ بەلاڤۆك و داخویانیێن نە ل ئاست ودژی شارستانیەتێ،چنكو بتنێ دوژمنێ كوردستانێ مفای ژی دبینت.
هەروەسا ئەم دخوازین هەموو سەركردە وسیاسەتمدار دكاودانێن، وەسا دە ب هوری سەرەدەری بێتە كرن بۆ ئارامكرنا هەستێ خەلكێ ب تایبەتی پشتی كارەساتا شنگال.
داخوازێ ژدەزگەهێن راگەهاندنێ دكەین پشتەڤانیا وان نڤیسینا نەكن یێن فتنە وناكۆكی ژێ چێبت ول گۆر یاسا و پرەنسیپێن پیشەیی رەفتارێ بەرسڤا ئێك ودوو بدەن،دا نەبتە دەرفەتەك دوژمنێن كوردستانێ مفای ژێ وەرگرن وئاستەنگا پە یداكەن،داكو ئیرۆ گەلێ كوردستانێ نە گەهتە ئارمانجێن خۆ وبەرەف سەربەخۆبوونێ ب سەركردایەتیا سەرۆك مەسعود بارزانی.
دەستەیا بلندا بنگەهێ لالش یێ رەوشەنبیری و كۆمەلایەتی/دهۆك
21/6/2016
تُتاح هذه الصورة أيضا في: کوردی
